Ikipe ya PSG n’iya Bayern Munich zabimburiye izindi gukatisha itike ya 1/4 cy’irangiza mu mikino ya UEFA Champions League,zibifashijwemo na ba kizigenza bazo Kylian Mbappe na Harry Kane.

Sponsored Ad

PSG yatsinze Real Sociedad ibitego 2-1 iyisanze iwayo bituma igira igiteranyo cy’ibitego 4-1 mu mikino yombi,ikatisha itike ya 1/4 bwa mbere muri Champions League kuva mu 2021.

PSG yari yatsinze ibitego 2-0 mu mukino ubanza,uwo kwishyura nawo wayoroheye,kuko ku munota wa 15,Kylian Mbappe yafunguye amazamu ku mupira mwiza yahawe na Dembele.

PSG yari hejuru muri uyu mukino,yarangije igice cya mbere ifite igitego 1-0.

Mu gice cya kabiri,ku munota wa 56,Kylian Mbappe yashyizemo igitego cya kabiri cya PSG ku mupira mwiza yahawe na Kang In asiga b myugariro ba Sociedad,atsinda umunyezamu.

Mu minota ya nyuma,Mikel Merino yaboneye igitego cy’impozamarira Real Sociedad,umukino urangira ari ibitego 2-1.

Mu wundi mukino,Bayern Munich imaze iminsi iri ku rwego rwo hasi cyane,yatsinze Lazio yo mu Butaliyani ibitego 3-0,ihita iyisezerera nubwo mu mukino ubanza aba bataliyani bari batsinze igitego 1-0.

Ku munota wa 38 nibwo Bayern yabashije gufungura amazamu ibifashijwemo na kizigenza Harry Kane ku mupira yahawe na Guerreiro.

Bidatinze ku munota 2 mu yongerewe kuri 45 y’igice cya mbere,Thomas Muller yatsinze igitego cya kabiri cya Bayern Munich ku mupira yahawe na de Ligt.Igice cya mbere cyarangiye iyi kipe yo mu Budage ifite ibitego 2-0.

Mu gice cya kabiri,Bayern yashatse igitego cyo gushimangira,ikibona ku mubota wa 66 gitsinzwe na Harry Kane,wujuje ibitego 6 mu mikino 8 amaze gukina muri champions League y’uyu mwaka.Bayern yakomeje ku bitego 3-1 mu mikino yombi.

Kuri uyu wa Gatatu,Real Madrid yatsinze igitego 1-0 Leipzig iyisanze iwayo,irayakira mu mukino wo kwishyura mu gihe Man City nayo irakira Copenhagen yatsinze ibitego 3-1 mu mukino ubanza.

Tombola ya 1/4 izaba tariki ya 15/3/2024.