skol
Kigali
Fortebet

PSG yirukanye Pochettino wabuze Champions League yaraguriwe ibihangange

Imyidagaduro   Yanditswe na: Dusingizimana Remy 5 July 2022

Paris Saint-Germain yatangaje ko yatandukanye n’uwari Umutoza Mukuru wayo, Mauricio Pochettino, nyuma y’umwaka n’igice ayitoza aho yayihesheje ibikombe bitatu.

Pochettino yatwaye ibikombe bitatu (3) ari kumwe na PSG birimo :Shampiyona ya 2021-22, Coupe de France 2020-21 na Trophée des Champions ya 2020.

Muri uyu mwaka,nibwo benshi mu bakunzi ba PSG batakarije icyizere Pochettino ubwo yasezererwaga muri 1/16 na Real Madrid mu buryo butunguranye.

Icyo gihe,yatsinze umukino ubanza igitego 1-0 ndetse uwo kwishyura atsinda ikindi hakiri kare ariko ananirwa kwihangana mu minota 20 ya nyuma y’umukino yinjizwa ibitego 3 na Karim Benzema.

Bivugwa ko uyu munya Argentine yahuye n’ubuyobozi bwa PSG mu ntangiriro za Kamena maze basuzuma uko umwaka w’imikino 2021/22 wagenze,hafatwa icyemezo kivuga ko uyu mutoza atazakomeza akazi ke.

Amasezerano ya Pochettino yagombaga kurangira mu 2023, ariko ubu yiteguye kuva muri iyi kipe nyuma yo kubahesha igikombe cya Ligue 1.

PSG mu butumwa yanyujije kuri Twitter yagize iti:"Paris Saint-Germain iremeza ko Mauricio Pochettino yarangije inshingano ze mu ikipe.

Iyi kipe irashimira Mauricio Pochettino n’abari bamwungirije ku kazi bakoze kandi irabifuriza ibyiza ejo hazaza."

L’Equipe ivuga ko uwahoze ari umutoza wa Spurs arahabwa imperekeza ya miliyoni 10 z’amayero kuri we no ku bakozi be bamwungirije

Pochettino yageze kuri Parc des Princes muri Mutarama 2021 ariko arangiza ku mwanya wa kabiri muri Ligue 1 uwo mwaka inyuma ya Lille,anasezererwa muri kimwe cya kabiri cy’irangiza cya Champions League na Manchester City.

Uyu munya Argentina utarigaragaje i PARIS arasimburwa n’Umufaransa Christophe Galtuer wagiye atwara Ligue 1 ari kumwe na Lille FC idakanganye gusa nta bunararibonye afite muri Champions League.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0

Byabarenze bararwana ubwabo!!! Abafana ba Manchester United batangiye...

Ibintu bitangaje bikomeje kugaragara mu ikipe ya Manchester United kuko...
8 August 2022 0

U Rwanda habuze gato ngo rutware umudali mu mikino ya Commonwealth

Ikipe y’u Rwanda ya Beach Volley mu mikino ya Commonwealth Games yafashe...
8 August 2022 0

Manchester United yatangiye nabi cyane shampiyona,City yongera gukanga...

Ikipe ya Manchester United yatangiye umwaka w’imikino nabi nkuko yashoje...
7 August 2022 0

Chelsea na Liverpool ntabwo zanyuze abafana bazo ku munsi wa mbere wa...

Darwin Nunez yavuye ku ntebe y’abasimbura arokora Liverpool yari yahagamwe...
6 August 2022 0