Umunyamakuru w’imikino kuri Radiotv10 Kazungu Clever na Mugenzi Faustin ndetse n’umunyamakuru w’imyidagaduro Nsengiyumva Emmanuel bemeje ko ikipe ya Rayon Sport yari ikwiye gufata umwanzuro wo kwirukana umutoza Haringingo Francis mu rwego rwo gukemura ikibazo iyi kipe ifite cyo kutitwara neza muri shampiyona y’u Rweanda uyu mwaka.

Sponsored Ad

Mu kiganiro Urukiko rw’Imikino cyo kuri uyu wa Gatandatu tariki 7 Mutarama 2023,
abanyamakuru barangajwe imbere na Kazungu Clever bongeye kuvuga ko umutoza
Haringingo Francis Christian yitwaye nabi mu gice cy’imikino ibanza ku buryo kuba
yazatwara igikombe cya shampiyona biri kure.

Aba banyamakuru bavuze ko mu mezi atandatu asigaye ngo iyi shampiyona irangire, Rayon sport yakabaye yarirukanye Haringingo Francis ikamusimbuza Nshimiyimana Eric watoje amakipe arimo nka Isonga FC, APR FC na AS Kigali.

Rayon Sports yasoje imikino ibanza ya shampiyona iri ku mwanya gatanu
n’amanota 28. Ni inyuma ya AS Kigali ya mbere n’amanota 30, inganya na Kiyovu
Sports ndetse na APR FC na Gasogi United zifite amanota 28 mu mikino 15 zakinnye.