Shampiyona irakomeza Rayon Sports idafite Rwatubyaye Abdul ufite imvune, iraba yakiriye Sunrise kuri stade ya Kigali Nyamirambo ni mu mukino w’ikirarane utarakiniwe igihe.
Kuri uyu wa Gatatu tariki ya 29 Werurwe 2017 haraba hakinwa umukino w’ikirarane cy’umunsi wa 20 wa shampiyona y’icyiciro cya mbere mu Rwanda ’Azam Rwanda Premier League’ utarakiniwe igihe kuko Rayon Sports yari mu mikino nyafurika.
Ni umukino ku mpande zombi zishaka gutsinda yaba Casa n’abahungu be bashaka kugaragaza ko atari (...)

Sponsored Ad

Shampiyona irakomeza Rayon Sports idafite Rwatubyaye Abdul ufite imvune, iraba yakiriye Sunrise kuri stade ya Kigali Nyamirambo ni mu mukino w’ikirarane utarakiniwe igihe.

Kuri uyu wa Gatatu tariki ya 29 Werurwe 2017 haraba hakinwa umukino w’ikirarane cy’umunsi wa 20 wa shampiyona y’icyiciro cya mbere mu Rwanda ’Azam Rwanda Premier League’ utarakiniwe igihe kuko Rayon Sports yari mu mikino nyafurika.

Ni umukino ku mpande zombi zishaka gutsinda yaba Casa n’abahungu be bashaka kugaragaza ko atari insina ngufi icibwaho urukoma n’ubonetse wese. Bakaba bagiye guhaguruka Nyagatare n’intego yo gutesha Rayon Sports amanota.

Ku rundi hande Masudi Djuma n’abasore be ntibifuza gukora ikosa iryo ari ryo ryose, bashaka gutsinda uyu mukino bagashyiramo ikinyuranyo cy’amanota 11 ku ikipe ya kabiri ariyo APR FC bakomeza bagana inzira isatira igikombe.

Rayon Sports iraba idafite Rwatubyaye Abdul ufite ikibazo cy’imvune akaba yarahawe iminsi 10 hanze y’ikibuga. Uretse Rwatubyaye biravugwa ko umunya Mali Moussa Camara ashobora kutaza kwifashishwa kuri uyu mukino bitewe n’uko akunze guhusha ibitego ahubwo Masudi akaba ashobora kuza gukinisha mwene wabo Kone Tediane, Shassir akamukina inyuma.

Umukino ubanza Rayon Sports yari yatsindiye Sunrise Nyagatare igitego 1-0.

Dore ibiciro uko bihagaze

V/VIP: 10000
VIP : 5000
Ku impande za VIP hatwikiriye: 3000
Ahasigaye : 2000