skol
Kigali

Rayon Sports igiye kuba ikipe ya mbere igaruye abafana kuri stade kuri "Rayon Sports Day"

Imyidagaduro   Yanditswe na: Dusingizimana Remy 22 October 2021

Nyuma y’amezi menshi nta bafana bagera ku masitade kubera icyorezo cya Covid-19,ikipe ya Rayon Sports yagaruye abafana ku mukino uzayihuza na Kiyovu Sports ku Cyumweru, tariki ya 24 Ukwakira 2021, witiriwe “Rayon Sports Day”.


Uyu mukino w’aya makipe ahangana cyane mu Rwanda, uzitabirwa n’abantu 8000 ndetse ni wo wa mbere w’umupira w’amaguru uzaba ubashije kwitabirwa n’abafana kuva muri Werurwe 2020.

Uyu munsi wateguwe na Rayon Sports, ni ku nshuro ya kabiri ugiye kuba nyuma ya “Rayon Sports Day” yabaye mu 2019 ubwo iyi kipe yatsindaga Gasogi United ibitego 3-1.

Uyu mukino uzaba ku Cyumweru saa cyenda kuri Stade Amahoro, uzitabirwa n’abafana 8000 nk’uko Umuvugizi wa Rayon Sports, Nkurunziza Jean Paul,yabyemereye IGIHE.

Ati “Umukino uzitabirwa n’abafana 8000 bikingije COVID-19 kandi bafite ibisubizo bigaragaza ko batarwaye iki cyorezo..”

Kwinjira ni: 2000 FRW, 5000 FRW, 15000 FRW na 20,000 FRW no kuba warafashe inkingo ebyiri za COVID-19.

Abafana bashaka kureba uyu mukino bazerekana ko bipimishije Covid-19 bitarenze amasaha 48 kandi ko batayanduye.

Abafana baherukaga kwinjira ku bibuga by’umupira w’amaguru mu Rwanda mbere ya tariki ya 14 Werurwe 2020 ubwo Minisiteri y’Ubuzima yatangazaga ko habonetse umurwayi wa mbere wa COVID-19.

Abahanzi bagera kuri 6 nibo bamaze kwemeza ko bazasusurutsa abafana ba Rayon Sports kuri ’Rayon Sports’ day tariki 24 Ukwakira 2021.

Ibi birori bizabera kuri Stade Amahoro guhera saa yine z’amanywa kugeza saa kumi n’ebyiri z’umugoroba.

Queen Cha, Senderi, Khalifan na Symphony Band nibo kugeza ubu bamaze kwemeza ko bazasusurutsa abafana.

Uretse abahanzi bazasusurutsa Rayon Sports Day 2021,abafana bazaba bamurikiwe abakinnyi Rayon Sports izakoresha muri saison 2021-2022 ndetse na numéro bazambara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yahagaritse umutoza wayo Masudi Djuma

Ikipe ya Rayon Sports yahagaritse Umutoza wayo mukuru, Masudi Djuma...
7 December 2021 0

Rayon Sports mu nzira zo kwirukana umutoza Masudi Djuma

Ubuyobozi bwa Rayon Sports bwatangiye gutekereza kuri gahunda yo kwirukana...
7 December 2021 0

"Ndumva mbabaye"-Robert Lewandowski avuga uko yakiriye kudahabwa Ballon...

Rutahizamu wa Bayern Munich,Robert Lewandowski,yahishuye ko afite agahinda...
7 December 2021 0

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0