Umunyezamu w’umurundi w’imyaka 23 y’amavuko,Rukundo Onesme,wakiniraga ikipe ya Le Messager Ngozi,agiye kuza gukinira ikipe ikunzwe kurusha izindi mu Rwanda, Rayon Sports,
Amakuru aravuga ko uyu munyezamu arasinya amasezerano y’imyaka 2 bitarenze kuri uyu wa Gatatu muri Rayon Sports
Uyu munyezamu Ugiye kuza gufatanya na Hakizimana Adolphe na Hategekimana Bonheur yatowe nk’umunyezamu mwiza i Burundi mu mwaka w’imikino 2020-2021.
Rayon Sports ikomeje imyiteguro yo kongera kwisubiza icyubahiro mu (...)

Sponsored Ad

Umunyezamu w’umurundi w’imyaka 23 y’amavuko,Rukundo Onesme,wakiniraga ikipe ya Le Messager Ngozi,agiye kuza gukinira ikipe ikunzwe kurusha izindi mu Rwanda, Rayon Sports,

Amakuru aravuga ko uyu munyezamu arasinya amasezerano y’imyaka 2 bitarenze kuri uyu wa Gatatu muri Rayon Sports

Uyu munyezamu Ugiye kuza gufatanya na Hakizimana Adolphe na Hategekimana Bonheur yatowe nk’umunyezamu mwiza i Burundi mu mwaka w’imikino 2020-2021.

Rayon Sports ikomeje imyiteguro yo kongera kwisubiza icyubahiro mu Rwanda ndetse no kongera gutwara ibikombe nyuma y’imyaka 3 ishize ntacyo iha abakunzi bayo.

Uyu munyezamu nasinyira Rayon Sports aziyongera ku bandi bakinnyi yaguze muri iyi mpeshyi barimo Rwatubyaye Abdul wakiniraga FC Shkupi yo muri Macedonia, Mbirizi Eric wavuye muri Le Messager Ngozi yo mu Burundi, Iraguha Hadji wavuye muri Rutsiro FC, Raphael Osalue, Mucyo Didier Junior, Twagirayezu Amani na Ishimwe Ganijuru Elie bakiniraga Bugesera FC.

Hari kandi Hirwa Jean de Dieu wakiniraga Marines FC, Ngendahimana Eric wakiniraga Kiyovu Sports, Tuyisenge Arsène na Nkurunziza Félicien bakiniraga Espoir FC, Ishimwe Patrick na Kanamugire Roger bavuye muri Heroes FC na Ndekwe Félix wavuye muri AS Kigali.