Amakuru agera ku kinyamakuru Umuryango ni uko ikipe ya Rayon Sports ishobora kuba igiye gusinya amasezerano yo kwamamaza sosiyete icuruza imikino y’amahirwe yitwa Feza Bet iherutse gusinyana n’ikipe ya Etincelles mu minsi ishize.
Nkuko twabibagejejeho mu nkuru yo ku munsi w’ejo iyi kipe yiteguye kwerekeza I Rubavu uyu munsi taliki ya 19 Nzeri 2017 ,gukina umukino w’irushanwa rya Rubavu Feza Bet ryateguwe n’iyi sosiyete ndetse amakuru ahari ni uko mbere y’uko Rayon Sports yerekezayo ifite (...)

Sponsored Ad

Amakuru agera ku kinyamakuru Umuryango ni uko ikipe ya Rayon Sports ishobora kuba igiye gusinya amasezerano yo kwamamaza sosiyete icuruza imikino y’amahirwe yitwa Feza Bet iherutse gusinyana n’ikipe ya Etincelles mu minsi ishize.


Nkuko twabibagejejeho mu nkuru yo ku munsi w’ejo iyi kipe yiteguye kwerekeza I Rubavu uyu munsi taliki ya 19 Nzeri 2017 ,gukina umukino w’irushanwa rya Rubavu Feza Bet ryateguwe n’iyi sosiyete ndetse amakuru ahari ni uko mbere y’uko Rayon Sports yerekezayo ifite ikiganiro n’abanyamakuru uyu munsi mu rwego rwo kubereka uyu muterankunga mushya.

Ikindi kiri kuvugwa ni uko uyu mukino wateguwe mu rwego rwo kwereka abanyarwanda ubufatanye iyi sosiyete igiye kugirana n’aya makipe yombi.

Ikipe ya Rayon Sports irarara igeze I Rubavu aho igiye gucakirana na Etincelles FC mu mukino uzabera kuri stade Umuganda ndetse ikipe izatsinda muri uyu mukino izegukana akayabo ka miliyoni 2 n’ibihumbi 500 by’amanyarwanda.

Rayon Sports imaze igihe ikorana n’uruganda rwa Skol aho niramuka yumvikanye na Feza Bet izatangira umwaka w’imikino utaha yambara imyenda yamamaza iyi sosiyete icuruza imikino y’amahirwe.