Umukinnyi wo hagati w’ikipe y’igihugu y’u Burundi, Richard Ndayishimiye wakiniye Muhazi United mu mwaka w’imikino ushize arategerejwe muri Rayon Sports kuri uyu mugoroba.

Richard ni umwe mu bakinnyi beza bitwaye neza hagati mu kibuga mu mwaka w’imikino ushize byatumye Rayon Sports imurabukwa.

Rayon Sports ishobora kumwongeraho Niyonzima Olivier ’Sefu’wakoze imyitozo muri iyi kipe ndetse akaba arakina mu mukino wa gicuti na APR FC uteganyijwe kuri uyu wa Gatandatu.

Ku gicamunsi cyo ku wa Gatanu, tariki 14 Kamena 2024 nibwo Murera yakoze imyitozo ya nyuma yitegura mukeba APR FC mu mukino wo gusogongera Stade Amahoro nshya wiswe ‘Umuhoro mu Mahoro’ uteganyijwe ku wa Gatandatu, tariki 15 Kamena 2024 saa Kumi n’Imwe.