Ubuyobozi bwa Rayon Sports bwatangiye gutekereza kuri gahunda yo kwirukana umutoza wabo Masudi Djuma ukomeje gutsindwa umusubirizo aho mu manota 21 yahataniye yabonyemo 11 gusa.
Amakuru avugwa nuko kuri uyu wa Mbere tariki ya 06 Ukuboza, Komite ya Rayon Sports na bamwe mu bakinnyi b’iyi kipe bateranye, bafata umwanzuro wo kwirukana Masudi Djuma kubera umusaruro mubi.
Bivugwa ko abakinnyi barimo Youssef Rhab,Muhire Kevin,Nizigiyimana Abdul Karim uzwi nka Makenzi na Habimana Hussein bahuye (...)

Sponsored Ad

Ubuyobozi bwa Rayon Sports bwatangiye gutekereza kuri gahunda yo kwirukana umutoza wabo Masudi Djuma ukomeje gutsindwa umusubirizo aho mu manota 21 yahataniye yabonyemo 11 gusa.

Amakuru avugwa nuko kuri uyu wa Mbere tariki ya 06 Ukuboza, Komite ya Rayon Sports na bamwe mu bakinnyi b’iyi kipe bateranye, bafata umwanzuro wo kwirukana Masudi Djuma kubera umusaruro mubi.

Bivugwa ko abakinnyi barimo Youssef Rhab,Muhire Kevin,Nizigiyimana Abdul Karim uzwi nka Makenzi na Habimana Hussein bahuye n’ubuyobozi ku munsi w’ejo bagirana inama ku byerekeye umusaruro mubi uri mu ikipe.

Muri iyi nama y’igitaraganya ngo haganiriwemo n’ibishobora kuzahabwa uyu mutoza wari ugifite amasezerano arenze umwaka muri iyi kipe ikundwa kurusha izindi mu Rwanda.

Rayon Sports yanatangiye gushaka umusimbura wa Masudi, aho bikomeje kuvugwa ko Irad Zaafouri ukomoka muri Tunisia ari we ushobora kuzaba umutoza mushya wa Rayon Sports mu minsi iri imbere gusa haravugwa na Goran wigeze gutoza Police FC.

Rayon Sports iheruka gutsindwa imikino ibiri y’ingenzi irimo uwa APR FC na Kiyovu Sports nayo imaze kuyigira insina ngufi muri iyi myaka ibiri ishize.

Gutsindwa na APR FC ibitego 2-1 byazamuye umujinya w’abafana ba Rayon Sports bahise batakariza icyizere umutoza Masudi.

Uyu mukino wakurikiwe n’uwo batsinze mu buryo bugoranye cyane Etoile de l’Est igitego 1-0 hanyuma banganya na Espoir Fc ibitego 2-2 barokotse kuko iyi kipe y’i Rusizi yahushije penaliti.

Mu cyumweru gishize,Rayon Sports yongeye gutsindwa na mukeba wayo Kiyovu Sports ibitego 2-0, bishyira mu mwijima abakunzi b’iyi kipe bari batekereza kwegukana igikombe cya shampiyona uyu mwaka.

Nyuma yo gutsindwa na Kiyovu Sports ibitego 2-0,umutoza Masudi wari ufite uburakari bwinshi yabwiye abanyamakuru ko kumwirukana atari cyo gisubizo ku musaruro mubi iyi kipe ifite ahubwo we abona ko bari kugerageza gushaka uko abakinnyi bahuza umukino.

Ati "Mu mupira ni ngombwa ko wemera ibiri kuba. Reka twemere ko dutangiye bitameze neza kuko bibaho. Ntabwo ari Rayon Sports gusa, za Manchester, za Arsenal, ikipe zose bizibaho.

Abatoza bose baza, bafungura igikapu igice. Umutoza utarirukanwa mu kazi ntabwo aba ari umutoza. Mourinho yarirukanywe, ejo bundi umutoza wa Manchester United yarirukanywe… Ese kwirukanwa kwa Masudi ni bwo ibibazo bizakemuka? Ni ngombwa kumenya ibyo. Ubuzima ni Imana ibutanga, ntabwo ari kanaka."