Ikipe ya APR FC na Police FC zigiye guhurira mu mukino wo gutaha ku mugaragaro Stade Amahoro,uteganyijwe kuwa 01 Nyakanga 2024.

Sponsored Ad

Umunyamabanga uhoraho muri Minisiteri ya Siporo,Niyonkuru Zephanie yemeje aya makuru mu kiganiro yahaye Radio B&B FM UMWEZI

Yagize ati:“ Stade AMAHORO izafungurwa ku wa mbere, umukino wateguwe mu rwego rwo kuyitaha.

Umunyamabanga wa FERWAFA,Camarade yameje ko "Umukino uzahuza APR FC na Police FC saa 17H00" mu rwego rwo gutaha iyi stade.

Umuhangowo kuyitaha uzitabirwa na bamwe mu bayobozi bakuru b’iguhugu, hanatumirwe abayobozi ba ruhago mu nzego zitandukanye zirimo FIFA, CAF, CECAFA.

APR FC yatwaye Shampiyona izahura na Police FC yatwaye igikombe cy’Amahoro.

Rayon Sports itaratangira imyitozo, niyo yifuzwaga na bamwe mu bateguye iki gikorwa, ariko ntibyakunze ko yemererwa uyu mukino.

Ikipe ya APR FC na Police FC zimaze iminsi zikora imyitozo yo kwitegura umwaka w’imikino utaha ndetse zariyubatse bikomeye.

Rayon Sports na APR FC nibyo byari byavuzwe ko bizafungura iyi Stade ariko byarangiye bihindutse.