skol
Kigali

Rayon Sports nayo yapimishije abakinnyi bayo Covid-19

Imyidagaduro   Yanditswe na: Dusingizimana Remy 31 October 2020

Ikipe ya Rayon Sports nayo yapimishije abakinnyi bayo icyorezo cya Covid-19 mu rwego rwo kubategura ngo batangire imyitozo yo kwitegura shampiyona y’ikiciro cya mbere izatangira kuwa 04 Ukuboza 2020.


Rayon Sports iri mu makipe yo mu Cyiciro cya Mbere yatinze gupimisha abakinnyi bayo ngo atangire umwihero wo kwitegura umwaka utaha w’imikino wa 2020/21.

Kuri uyu wa Gatandatu nibwo abakinnyi n’abakozi bayo bapimwe icyorezo cya COVID-19 mu gikorwa cyabereye ku biro by’iyi kipe biherereye Kimihurura.

Biteganyijwe ko abakinnyi bose ba Rayon Sports bazatangira umwiherero ku wa Mbere, aho bazajya baba i Gikondo mu gihe imyitozo izajya ikorerwa ku kibuga cya SKOL mu Nzove.

Gupimisha abakinnyi bikozwe nyuma y’aho ku munsi w’ejo tariki ya 30 Ukwakira 2020 habayeho ihererekanyabubasha hagati ya Komite y’inzibacyuho ya Rayon Sports yacyuye igihe iyobowe na Murenzi Abdallah na komite nshya yatowe iyobowe na Uwayezu Jean Fidele.

Umuyobozi mushya wa Rayon Sports yijeje abafana bayo ko ibihe by’agahinda n’ibibazo birangiye ubu agiye kubazanira ibyishimo ndetse agaha iyi kipe indangagaciro nshya.

Ati “Baca umugani mu Kinyarwanda ngo nta joro ridacya, ngo nta mvura idahita. Rayon Sports imaze iminsi mu icuraburindi, abafana bayo, abakunzi bayo, abakunzi b’umupira barababaye, bagira agahinda, ariko ahari abagabo beza, abagore beza, ntabwo hagwa ibara. Amateka mabi y’ibibazo muri Rayon Sports ararangiye, amateka y’ibyishimo n’indangagaciro ziranga aba-Rayon aratangiye.”




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Habimana Didas

    Nibyiza kuba Rayon yarapimishije abakinnyi ikanasubukura imyitozo.

    November 2020
  • chat_bubble John

    Aya mafoto ntakuntu mwareka kujya muyagaragaza koko?

    October 2020

Inzindi nkuru

Manchester United iritegura kurekura abakinnyi 7 muri Mutarama...

Ikipe ya Manchester United irateganya kugurisha muri Mutarama 2022...
19 September 2021 0

CAFCC:AS Kigali yanyagiye Olympique de Missiri-Sima yerekeza mu cyiciro...

Ikipe ya AS Kigali yasezereye Olympique de Missiri-Sima yo muri Comoros mu...
18 September 2021 0

U Rwanda rushobora kwirukanwa mu gikombe cy’Afurika cya Volleyball kubera...

Ishyirahamwe ry’umukino wa Volleyball ku isi,FIVB, ryanze kumva ugutakamba...
18 September 2021 0

"N’ubwa mbere Rayon Sports igiye gukinisha abakinnyi batari ku rwego...

Umutoza mushy wa Rayon Sports Masudi Djuma yatangaje ko uyu mwaka iyi kipe...
18 September 2021 0

Umukinnyi wa Manchester City yatsinze igitego se ahita apfa

Myugariro Nathan Ake wa Manchester City yatangaje ko igitego cye cya mbere...
18 September 2021 0

Umutoza Tuchel yakoze benshi ku mutima kubera ibyo yakoreye umukozi we wo...

Umutoza wa Chelsea,Thomas Tuchel,yakoze benshi ku mutima kubera igikorwa...
17 September 2021 0