Ikipe ya Rayon Sports y’abagore ikomeje gukora ibitangaza mu cyiciro cya kabiri kuko mu mukino itatu gusa imaze gukina muri iki cyiciro yatsinzemo ibitego 33.
Kuri uyu wa Kabiri Rayon Sports WFC yanyagiye ibitego 16-0 Nyagatare WFC birimo 7 bya rutahizamu wayo Imanizabayo.Uyu mukino wabereye mu Nzove.
Nubwo uyu munsi hakinwaga umunsi wa 4 muri iki cyiciro, Rayon Sports y’abagore imaze gukina 3 gusa.
Imanizabayo Florence amaze gutsindamo ibitego 13 muri 33 iyi kipe ya Rayon Sports imaze (...)

Sponsored Ad

Ikipe ya Rayon Sports y’abagore ikomeje gukora ibitangaza mu cyiciro cya kabiri kuko mu mukino itatu gusa imaze gukina muri iki cyiciro yatsinzemo ibitego 33.

Kuri uyu wa Kabiri Rayon Sports WFC yanyagiye ibitego 16-0 Nyagatare WFC birimo 7 bya rutahizamu wayo Imanizabayo.Uyu mukino wabereye mu Nzove.

Nubwo uyu munsi hakinwaga umunsi wa 4 muri iki cyiciro, Rayon Sports y’abagore imaze gukina 3 gusa.

Imanizabayo Florence amaze gutsindamo ibitego 13 muri 33 iyi kipe ya Rayon Sports imaze gutsinda.

Rayon Sports izasubira mu kibuga ku wa 3 Mutarama 2023 ubwo izaba yakiriwe na Nasho S.A ku Munsi wa Gatanu wa Shampiyona.

Mu Itsinda A, APR WFC yabonye intsinzi ya mbere aho yatsindiye Macuba WFC i Nyamasheke ibitego 3-0 byose byabonetse mu minota 10 ya nyuma.

Mu mikino itatu iheruka, APR yari yanganyije na Tiger WFC igitego 1-1, Forever Girls [1-1 ] ndetse na AS Kabuye WFC ubusa ku busa.

Imikino Rayon Sports imaze gukina:

Rayon Sports 16-0 Gatsibo WFC
Bridge WFC 0-1 Rayon Sports
Rayon Sports 16-0 Nyagatare WFC

Mbere y’uko umwaka w’imikino 2021/2022 urangira,amakipe yose y’ibigugu mu Rwanda yiyemeje gushinga amakipe y’abagore ariko bihurirana n’uko Impuzamashyirahamwe y’Umupira w’Amaguru ku mugabane wa Afurika, CAF, yavuze ko mu 2023 nta kipe izakina amarushanwa yayo idafite ikipe y’abagore.