skol
Kigali
Fortebet

Rayon Sports y’abakinnyi 10 yahagamwe na Rutsiro FC mu gihe APR FC yakomeje umuhigo

Imyidagaduro   Yanditswe na: Dusingizimana Remy 3 November 2021

Nkuko yabigenje muri Kamena uyu mwaka, Rutsiro FC yongeye guhagama Rayon Sports iyishyura ibitego 2 yari yayitsinze banganya 2-2 mu gihe APR FC imaze shampiyona 2 idatsinzwe,ikomeje guhana amakipe kuko uyu munsi yatsinze Musanze FC ibitego 2-0.

Rayon Sports yari yasuye Rutsiro FC kuri stade Umuganda,yatangiye umukino iri hejuru byatumye ku munota wa 7 ifungura amazamu ku gitego cyatsinzwe kuri penaliti na Essomba Willy Onana kuri penaliti.

Ku munota wa 24 w’umukino,Rayon Sports yari yatangiye neza yashyizemo igitego cya kabiri cyatsinzwe na Nizigiyimana Karim uzwi nka Mackenzi.

Mbere yo kujya kuruhuka,Rutsiro yabonye penaliti yinjijwe neza na Ndarusanze Jean Claude.Igice cya mbere cyarangiye ari ibitego 2-1.

Rayon Sports yagarutse mu gice cya kabiri nta gahunda yo gushaka ibindi bitego ahubwo ishaka kugarira byatumye abarimo umunyezamu wayo Hategekimana Bonheur bahabwa ikarita y’umuhondo kubera gutinza umukino.

Rayon Sports yagowe n’iminota ya nyuma y’umukino,yahuye n’uruva gusenya ubwo umunyezamu Hategekimana Bonheur yahabwaga ikarita ya kabiri y’umuhondo azira gutinza umukino ahita asohoka mu kibuga.

Rayon Sports yananiwe iminota 3 y’inyongera kuko umunyezamu Bashunga Abouba nawe winjiye ngo ayifashe yahise ahabwa ikarita y’umuhondo nawe azira gutinza umukino.

Ibi byo gutinza umukino byakoze kuri Rayon Sports kuko ku munota wa nyuma w’umukino yishyuwe igitego na Ndarusanze Jean Claude umukino urangira ari ibitego 2-2.

Ku rundi ruhande,APR FC yari yakiriye Musanze FC kuri stade ya Kigali,iyitsinda iyirusha cyane ibitego 2-0.

APR FC yaruhije bikomeye Musanze FC ndetse ibona amahirwe menshi yo kubona ibitego mu gice cya mbere ntibyayikundira.

Mu gice cya kabiri,Musanze FC yarwanaga no kugarira yananiwe bituma ku munota wa 58 itsindwa igitego cya mbere cyatsinzwe na Ruboneka Jean Bosco ku ishoti rikomeye yateye rikubita umutambiko w’izamu umupira umanuka urenga umurongo.

Bidatinze ku munota wa 63,APR FC yabonye coup franc ku ikosa ryakorewe kuri Nshuti Innocent hafi y’urubuga rw’amahina,Manishimwe Djabel ayitera neza ayinyujije mu maguru y’abari ku rukuta rwa Musanze FC,umupira werekeza mu rushundura.

APR FC yakabaye yabonye ibitego byinshi ariko ba rutahizamu bayo barimo Bizimana Yannick barayitenguha.APR FC igize amanota 6/6 inganya na AS Kigali.

Uko imikino yabaye uyu munsi yagenze:

Rutsiro FC 2-2 Rayon Sports
APR FC 2-0 Musanze FC
Bugesera FC 3-1 Etincelles FC
Gicumbi FC 2-0 Etoile De L’Est
Police FC 0-2 Espoir FC

Urutonde n’amanota:

1. As Kigali -6pts
2.APR FC -6
3.Rayon Sports -4
4.Gasogi utd -4
16.Etoile de l’Est 0pt -5

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mushiki wa Cristiano Ronaldo yibasiye bikomeye Perezida wa Real...

Mushiki wa Cristiano Ronaldo, Katia Aveiro yibasiye perezida wa Real...
13 August 2022 0

Willian watengushye Arsenal yahungiye mu Bwongereza abafana bamubwiraga ko...

Uwahoze ari umukinnyi wa Chelsea na Arsenal, Willian yavuye mu ikipe ya...
13 August 2022 0

Patriots BBC yasubiriye REG BBC abafana bayita umugore, inasoza shampiyona...

Ni umukino wari ishiraniro cyane ko aya makipe asanzwe ahangana cyane kuva...
13 August 2022 0

Lionel Messi yabuze mu bahatanira Ballon d’Or bwa mbere kuva...

Ikinyamakuru France Football cyatangaje abakinnyi 30 bahatanira Ballon d’or...
12 August 2022 0

"Turashaka kubaka ikipe igera muri Afurika hose bagatitira"-Perezida wa AS...

Ikipe ya AS Kigali yakoze ikiganiro n’abanyamakuru cyagarutse ku migabo...
12 August 2022 0

UEFA yatangaje abakinnyi 3 bazatorwamo uwahize abandi mu mwaka...

Ishyirahamwe ry’umuira w’amaguru ku mugabane w’i Burayi ryamaze gutangaza...
12 August 2022 1