Ikipe ya Loto Popo yo muri Benin yagombaga gukina na Rayon Sports kuri Rayon Day [Umunsi w’Igikundiro] ntikije mu Rwanda bituma ifata indi yo muri Kenya.
Amakuru aravuga ko iyi kipe itabonetse kubera ko habayeho ikibazo cyo kubura indege.
Rayon Sports yahise igira bwangu ivugana na Police KENYA yo mu gihugu cya KENYA.
Iyi kipe biravugwa ko izagera i Kigali ku wa kane mu gihe uyu mukino uzaba kuwa Gatandatu w’iki cyumweru.
Loto Popo FC yo muri Benin izitabira imikino nyafurika nka (…)

Ikipe ya Loto Popo yo muri Benin yagombaga gukina na Rayon Sports kuri Rayon Day [Umunsi w’Igikundiro] ntikije mu Rwanda bituma ifata indi yo muri Kenya.

Amakuru aravuga ko iyi kipe itabonetse kubera ko habayeho ikibazo cyo kubura indege.

Rayon Sports yahise igira bwangu ivugana na Police KENYA yo mu gihugu cya KENYA.

Iyi kipe biravugwa ko izagera i Kigali ku wa kane mu gihe uyu mukino uzaba kuwa Gatandatu w’iki cyumweru.

Loto Popo FC yo muri Benin izitabira imikino nyafurika nka Rayon Sports ndetse ngo amakipe yombi yari yumvikanye gukina uyu mukino kubera ko abatoza bazo baziranye.

Rayon Day iteganyijwe ku wa Gatandatu, tariki 5 Kanama 2023, kuri Kigali Pelé Stadium aho iyi kipe izamurikira abakunzi bayo n’abanyarwanda muri rusange abakinnyi izakoresha ndetse n’imishinga ifite.

Rayon Sports iheruka kunganya na Vital’o ibitego 2-2 mu mukino abakunzi bayo batashye binubira urwego rwo hasi rwa bamwe mu bakinnyi ikipe yaguze ndetse bamwe ntibazuyaza kuvuga ko ntaho bazabageza.

Police Kenya niyo izakina na Rayon Sports ku munsi w’Igikundiro