skol
fortebet

Rayon Sports yabuze uwo yari yiteze nk’umucunguzi ku mukino wa Musaze FC

Yanditswe: Monday 23, Jan 2023

featured-image

Sponsored Ad

Rutahizamu Luvumbu Nzinga Héritier ntazakina umukino Rayon Sports izakiramo Musanze FC ku wa Kabiri kuri Stade ya Muhanga.
Amakuru aravuga ko ibyangombwa bye bitaraboneka gusa ashobora kuzakina uzakurikiraho.
Amaso y’abakunzi ba Rayon Sports ahanzwe Umunye-Congo, Nzinga Héritier Luvumbu, uherutse gusinya amasezerano y’amezi atandatu muri iyi kipe yagarutsemo ku nshuro ya kabiri.
Luvumbu w’imyaka 30 ku byangombwa akiniraho, yagarutse muri Murera yigeze gukinira amezi abiri; muri Gicurasi na (...)

Sponsored Ad

Rutahizamu Luvumbu Nzinga Héritier ntazakina umukino Rayon Sports izakiramo Musanze FC ku wa Kabiri kuri Stade ya Muhanga.

Amakuru aravuga ko ibyangombwa bye bitaraboneka gusa ashobora kuzakina uzakurikiraho.

Amaso y’abakunzi ba Rayon Sports ahanzwe Umunye-Congo, Nzinga Héritier Luvumbu, uherutse gusinya amasezerano y’amezi atandatu muri iyi kipe yagarutsemo ku nshuro ya kabiri.

Luvumbu w’imyaka 30 ku byangombwa akiniraho, yagarutse muri Murera yigeze gukinira amezi abiri; muri Gicurasi na Kamena 2021 mbere y’uko yerekeza muri Angola.

Luvumbu wari udafite ikipe nyuma yo gutandukana na Clube Desportivo Primeiro de Agosto,yahise aza muri Rayon Sports kuko hifuzwaga umukinnyi ushobora gukinisha abandi basanzwe basatira muri iyi kipe.

Ku wa 31 Ukuboza, yasinye amasezerano y’amezi atandatu muri Rayon Sports.

Iyi kipe yambara ubururu n’umweru yatangiye uyu mwaka w’imikino intego ari igikombe ariko abakunzi bayo ntibabyizeye kubera imyitwarire yayo mu mpera z’igice cya mbere cya shampiyona.

Umukino wa Rayon Sports na Musanze FC wagombaga kuba kuri iki cyumweru tariki ya 22 Mutarama ariko urasubikwa kubera ko ikibuga cya Muhanga cyari cyabereyeho igiterane.

Ikipe ya Rayon Sports yatsindiwe i Musanze ibitego 2-0,izakira uyu mukino ishaka kugaruka mu bihe byiza nyuma yo kurangiza igice kibanza cya shampiyona itsindwa umusubirizo.

Rayon Sports iri ku mwanya wa gatanu n’amanota 28,gusa yarangije igice cya mbere cya shampiyonairushwa na AS Kigali ya mbere amanota abiri.

Yatsinzwe imikino itatu yikurikiranya ya nyuma iheruka,yahuyemo n’amakipe ya Etincelles FC, APR FC na Gasogi United.

Kwinjira ku mukino wa Rayon Sports na Musanze FC ni ibihumbi 2000,5000 na 10000 frw.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa