Nyuma yo gusesekara mu Rwanda mu ijoro ryo kuri iki cyumweru ivuye muri Sudani y’Epfo gukina umukino ubanza wa CAF Confederation Cup na Wau Salaam FC, ikipe ya Rayon Sports nta kuruhuka irahita itangira imyitozo yitegura umukino wo kwishyura.
Saa 17:30’ ku isaha ngengamasaha ya GMT na 19:30’ za hano mu Rwanda kuri iki cyumweru tariki ya 12 Gashyantare 2017, ni bwo iyi kipe yasesekaye ku ikibuga cy’indege mpuzamahanga cya Kigali i Kanombe ikubutse muri Sudani y’Epfo.
Muri iki gihugu yahakiniye (...)

Sponsored Ad

Nyuma yo gusesekara mu Rwanda mu ijoro ryo kuri iki cyumweru ivuye muri Sudani y’Epfo gukina umukino ubanza wa CAF Confederation Cup na Wau Salaam FC, ikipe ya Rayon Sports nta kuruhuka irahita itangira imyitozo yitegura umukino wo kwishyura.

Saa 17:30’ ku isaha ngengamasaha ya GMT na 19:30’ za hano mu Rwanda kuri iki cyumweru tariki ya 12 Gashyantare 2017, ni bwo iyi kipe yasesekaye ku ikibuga cy’indege mpuzamahanga cya Kigali i Kanombe ikubutse muri Sudani y’Epfo.

Muri iki gihugu yahakiniye umukino ubanza kuwa Gatandatu tariki ya 11 Gashyantare 2017 itsinda Wau Salaam FC ibitego 4-0.

Ku kibuga cy’indege yakiriwe n’abakunzi benshi bari bayitegereje n’ubwo habayemo impinduka nto kuko byari byitezwe ko ihagera saa kumi n’ebyiri n’igice ikahagera saa moya n’igice.

Uko bimenyerewe abakinnyi bagombye guhabwa akaruhuko, ariko kubera umukino wo kwishyura, Rayon Sports izakina n’iyi kipe mu mpera z’iki cyumweru, bafashe ingamba zo kutirara, ahubwo bagahita batangira imyitozo.

Nta gihindutse iyo myitozo irabera kuri Stade Regional i Nyamirambo, guhera saa 15:30’.