Mu gihe benshi bari biteze ikipe izwi muri aka karere ko ariyo izakina na Rayon Sports ku munsi wayo uzwi nka "Rayon Day" cyangwa ’Umunsi w’Igikundiro’,Kuri uyu wa Mbere iyi kipe ikunzwe na benshi mu Rwanda yemeje ko izakina na Loto Popo FC yo muri Bénin.
Iyi Loto Popo FC izitabira imikino nyafurika ndetse irushanwa izakina niryo na Rayon Sports izitabira.
Iyi kipe yo muri Benin ifite akazi gakomeye muri CAF Confederations Cup kuko izahura na FUS Rabat yo muri Maroc mu ijonjora rya mbere (…)

Mu gihe benshi bari biteze ikipe izwi muri aka karere ko ariyo izakina na Rayon Sports ku munsi wayo uzwi nka "Rayon Day" cyangwa ’Umunsi w’Igikundiro’,Kuri uyu wa Mbere iyi kipe ikunzwe na benshi mu Rwanda yemeje ko izakina na Loto Popo FC yo muri Bénin.

Iyi Loto Popo FC izitabira imikino nyafurika ndetse irushanwa izakina niryo na Rayon Sports izitabira.

Iyi kipe yo muri Benin ifite akazi gakomeye muri CAF Confederations Cup kuko izahura na FUS Rabat yo muri Maroc mu ijonjora rya mbere ry’iri rushanwa.

Rayon Day iteganyijwe ku wa Gatandatu, tariki 5 Kanama 2023, kuri Kigali Pelé Stadium aho iyi kipe izamurikira abakunzi bayo n’abanyarwanda muri rusange abakinnyi izakoresha ndetse n’imishinga ifite.

Rayon Sports iheruka kunganya na Vital’o ibitego 2-2 mu mukino abakunzi bayo batashye binubira urwego rwo hasi rwa bamwe mu bakinnyi ikipe yaguze ndetse bamwe ntibazuyaza kuvuga ko ntaho bazabageza.

Ikipe ya Loto Popo yambara icyatsi n’umweru,iri mu makipe akomeye muri Benin kuri ubu nubwo yashinzwe mu 2021.

Loto-Popo FC ni ikipe ya Loto-Popo SA, Umuryango wa Siporo washinzwe n’ikigo cy’igihugu cya Tombola muri Bénin.

Yashinzwe nyuma y’uko Leta ya Bénin isabye ibigo bya Leta n’iby’abikorera gushinga amakipe y’abakina nk’ababigize umwuga.

Iyi kipe yashinzwe muri 2019, igura ikipe yitwa ESAE FC, ihita itangirira mu cyiciro cya mbere.

Muri 2020-21 yegukanye igikombe cya shampiyona, 2021-22 iba iya gatatu, umwaka ushize yabaye iya kabiri.

Muri 2021 yahagarariye Bénin muri CAF Champions League, ikurwamo na Nouadhibou yo muri Mauritanie mu ijonjora rya mbere.

Loto Popo FC yo muri Bénin izakina na Rayon Sports kuri #RayonDay2023