skol
Kigali
Fortebet

Rayon Sports yahishuye umubare w’abanyamahanga igiye kuzana

Imyidagaduro   Yanditswe na: Dusingizimana Remy 9 July 2022

Umutoza mushya wa Rayon Sports,Haringingo Francis,arashaka hasi hejuru igikombe cya shampiyona 2022-2023 ariyo mpamvu ari kugura abakinnyi ubutitsa.

Nyuma yo kugura abakinnyi 8,Rayon Sports yiyemeje kuva ku isoko ryo mu Rwanda ikerekeza mu mahanga aho yaraye isinyishije umukinnyi wa mbere muri 4 iteganya kwinjiza.

Rayon Sports biravugwa ko yasinyishije Mbirizi Eric wakiniraga Messager de Ngozi uri mu bakinnyi bitwaye neza kurusha abandi muri shampiyona ishize mu Burundi.

Ubwo yerekanwa ku mugaragaro ku munsi w’ejo n’abamwungirije,umutoza Haringingo Francis yagize ati ": Turi kubaka ikipe izaha ibyishimo Aba Rayon, igikombe. Mu cyumweru gitaha turasinyisha abakinnyi nka 3."

Mu kiganiro Urubuga rw’Imikino cya Radio Rwanda kuri uyu wa Gatanu, umutoza Haringingo Francis, yavuze ko Rayon Sports igiye kugura abakinnyi bane b’abanyamahanga kandi basanzwe bakinira ibihugu byabo.

Ati “Tugiye kugura abanyamahanga agera kuri bane bazaza basanga abahari. Ni abanyamahanga navuga ko bakinira ikipe z’ibihugu byabo. Muzababona. Harimo abakina hagati, hari n’abakina basatira izamu, ni ukuvuga ku myanya dukwiye kongeramo imbaraga.”

Agaruka ku bakinnyi iyi kipe yamaze kugura, bamwe bavuga ko batari ku rwego rwo kuyikinira, Haringingo yavuze ko atari uko bimeze kuko bari bahagaze neza aho bakinaga.

Ati “Urebye abakinnyi turi kugura, ni amahitamo yihariye nta kindi kintu. Hari umuntu ushidikanya kuri Rafael? Hari ushidikanya kuri Ngendahimana? Ni ukuvuga ngo amazina abantu batazi, bagira ubwoba ariko namwe mubibafashamo.”

Yakomeje agira ati “Mubereka ko bariya bakinnyi badashobora gukina muri Rayon Sports, ariko bafite ubushobozi bwo gukina muri Rayon Sports, bafite n’imibare myiza isumba iy’abari bari muri Rayon Sports.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester United ihangayikishijwe na nyina w’umukinnyi iri gushaka

Ikipe ya Manchester United igomba kubanza guhuza na nyina wa Adrien Rabiot...
9 August 2022 0

Myugariro wa Dortmund ushinjwa gukubita umugore we atwite amerewe...

Myugariro w’Umudage Nico Schulz arashinjwa gutera imigeri mu nda uwahoze ari...
9 August 2022 0

Hatangajwe ingengabihe y’uko imikino ya shampiyona izakinwa:APR vs Rayon...

FERWAFA yatangaje Ingengabihe ya shampiyona y’u Rwanda y’icyiciro cya mbere...
8 August 2022 0

Rwatubyaye yaciye amarenga ko ashobora kongera gukina mu Rwanda

Myugariro Rwatubyaye Abdul bivugwa ko yatandukanye n’ikipe ya FC Shkupi yo...
8 August 2022 0

Rayon Sports yatangaje ikipe bazahura ku munsi mukuru wayo

Nyuma yo gutsinda Yanga SC ku munsi wayo ibitego 2-0,ikipe ya Vipers yo...
8 August 2022 0

Byabarenze bararwana ubwabo!!! Abafana ba Manchester United batangiye...

Ibintu bitangaje bikomeje kugaragara mu ikipe ya Manchester United kuko...
8 August 2022 0