skol
fortebet

Rayon Sports yakoze akandi gashya mbere yo gutangira imyitozo

Yanditswe: Thursday 21, Jul 2022

featured-image

Sponsored Ad

Ikipe ya Rayon Sports yitegura gutangira imyitozo y’umwaka w’imikino wa 2022/2023 yapimishije abakinnyi bayo kugirango irebe uko umubiri wabo uhagaze.
Abaganga ba Rayon Sports bapimye abakinnyi Umutima, umuvuduko w’amaraso n’ibindi.
Nkuko amafoto yagiye hanze abigaragaza abaganga barimo Charles Mugemana basuzumye abakinnyi batandukanye iyi kipe izakoresha mu mwaka w’imikino ugiye gutangira.
Umuganga mukuru wa Rayon Sports, Dr Mugemana Charles yabwiye Rwandamagazine ko impamvu bafashe ibindi (...)

Sponsored Ad

Ikipe ya Rayon Sports yitegura gutangira imyitozo y’umwaka w’imikino wa 2022/2023 yapimishije abakinnyi bayo kugirango irebe uko umubiri wabo uhagaze.

Abaganga ba Rayon Sports bapimye abakinnyi Umutima, umuvuduko w’amaraso n’ibindi.

Nkuko amafoto yagiye hanze abigaragaza abaganga barimo Charles Mugemana basuzumye abakinnyi batandukanye iyi kipe izakoresha mu mwaka w’imikino ugiye gutangira.

Umuganga mukuru wa Rayon Sports, Dr Mugemana Charles yabwiye Rwandamagazine ko impamvu bafashe ibindi bipimo ari uko abakinnyi bamaze igihe badakina bityo ko utahita ubashora mu kibuga utazi uko ubuzima bwabo buhagaze.

Ati " Uretse Covid-19 isabwa kubanza gupimwa, twanasanze ari ngombwa ko dukorera abakinnyi ibindi bizamini ngo tumenye uko ubuzima bwabo buhagaze. Ntabwo wahita ubashora mu kibuga utazi niba nta burwayi bakuye muri ibi bihe by’ibiruhuko bari barimo."

Abakinnyi babapimye ibiro, imiterere y’umutima, umwijima, umuvuduko w’amaraso, infection yo mu maraso, Diabete n’ibindi binyuranye.

Mugemana ati "Umukinnyi aba agomba kuba ameze neza mbere yo kujya mu kibuga, nta kindi kibazo afite. Nagombaga kumenya uko ubuzima bwabo buhagaze mbere yo kubaha umutoza ngo atangire kubakoresha imyitozo cyane cyane ko tunafitemo abakinnyi bashya ."

Yunzemo ati " Uwo tugize uburwayi dusangana, bituma tumenya uko tumukurikirana, bikamufasha natwe bikadufasha mu kazi ka buri munsi."

Ikipe ya Rayon Sports izatozwa n’umutoza Haringingo Francis Christian wasoje amasezerano ye muri Kiyovu Sports.

Mu bakinnyi ikipe yaguze harimo myugariro Ngendahimana Eric imuvanye muri Kiyovu Sports.

Mu bandi bakinnyi Rayon Sports yasinyishije barimo Ishimwe Ganijuru Elie na Raphael Olise Osalue bakiniraga Bugesera FC; Ndekwe Félix wavuye muri AS Kigali na Iraguha Hadji wakiniraga Rutsiro FC.

Aba biyongeraho Ishimwe Patrick na Kanamugire Roger bakinaga muri Heroes yo mu Cyiciro cya Kabiri.

Abakurikiranira hafi uburyo Rayon Sports ikomeje kwiyubaka, bavuga ko iri gutegurira igihe kirekire kuko abakinnyi iri kugura biganjemo abato bataragira ubunararibonye buhagije bwayifasha guhatana mu Rwanda no ku ruhando mpuzamahanga.

Biteganyijwe ko Rayon Sports izatangira imyitozo kuri uyu wa Gatanu tariki 22 Nyakanga 2022 mu Nzove.




Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa