Ikipe ya Rayon Sports irashaka kwiyubaka muri uku kwezi kwa mbere ariyo mpamvu abayobozi bayo n’abanyamuryango bayo b’Imena bari gukora inama kenshi ngo barebe icyakorwa ngo iyi kipe itware igikombe.
Inama yabaye mu ijoro ryo kuri uyu wa 28 Ukuboza 2022, yari iyobowe na perezida wa Rayon Sports, Rtd Uwayezu Jean Fidèle na bamwe bandi mu bagize Komite Nyobozi y’iyi kipe.
Abayitabiriye barimo Munyakazi Sadate wigeze kuyobora iyi kipe, Muhirwa Prosper, Hadji Kanyabugabo Muhamed n’abandi. (…)

Ikipe ya Rayon Sports irashaka kwiyubaka muri uku kwezi kwa mbere ariyo mpamvu abayobozi bayo n’abanyamuryango bayo b’Imena bari gukora inama kenshi ngo barebe icyakorwa ngo iyi kipe itware igikombe.

Inama yabaye mu ijoro ryo kuri uyu wa 28 Ukuboza 2022, yari iyobowe na perezida wa Rayon Sports, Rtd Uwayezu Jean Fidèle na bamwe bandi mu bagize Komite Nyobozi y’iyi kipe.

Abayitabiriye barimo Munyakazi Sadate wigeze kuyobora iyi kipe, Muhirwa Prosper, Hadji Kanyabugabo Muhamed n’abandi.

Yari igamije gushakira hamwe ibisubizo ku bibazo byatumye iyi kipe isoza imikino ibanza ya shampiyona, iri ku mwanya wa Gatanu n’amanota 28.

Amakuru UMUSEKE dukesha iyi nkuru wamenye, ni uko hahise hakusanywa amafaranga angana na miyoni 25 Frws zirimo icumi zatanzwe na Munyakazi Sadate.

Aya mafaranga yose ari gukusanywa, arimo agomba kuvamo ayo kongeramo abakinnyi bakenewe n’andi yo gukemura ibibazo by’amikoro bihari.

Mu gushaka imbaraga zizayifasha mu mikino yo kwishyura, iyi kipe ikunzwe na benshi mu Rwanda, yahereye kuri Hértier Nzinga-Luvumbu waherukaga gukinira iyi kipe.

Uyu munye-Congo, nta kipe yari afite nyuma yo kuva muri shampiyona yo muri Angola.