Ikipe ya Rayon Sports yamaze gushyikirizwa imodoka yayo igiye kujya itwaramo abakinnyi,igomba kwereka abafana bayo kuri uyu wa Gatanu taliki ya 01 Werurwe mbere y’umukino wa shampiyona izakiramo Sunrise FC.

Rayon Sports yari imaze iminsi ikodesha imodoka yo gutwara abakinnyi,yatangaje ko yaguze bisi yayo kuwa 5 Ugushyingo 2018 akayabo ka miliyoni 100 frw, gusa ntiyahita iyikoresha kuko yategetswe kubanza kwishyura igice cya mbere cy’ubwishyu kingana na Miliyoni 50 FRW muri Akagera Motors.

Radiant izongera kwishyurira Rayon Sports andi mafaranga miliyoni 34 FRW azava muri ‘Commissions’ z’abafana ba Rayon Sports bazafatamo ubwishingizi bunyuranye, andi asigaye ave mu bafatanyabikorwa ba Rayon Sports bazakenera kuyamamazaho.

Nkuko amakuru dukesha ikinyamakuru Rwanda Magazine abitangaza iyi modoka ya Rayon Sports iraparikwa mu Kiyovu,hanyuma izakoreshwe n’ikipe guhera n’ikipe kuri uyu wa Gatanu ku mukino wa Sunrise FC.

AMAFOTO:Rwanda Magazine