Kuri uyu wa Gatanu Rayon Sports ikomeje kubaka ikipe ikomeye, yatangaje ko yamaze gusinyisha Umurundi ukina hagati witwa Aruna Moussa Madjaliwa.

Sponsored Ad

Aruna Moussa Madjaliwa mu Burundi bamuhimba COBRA, ni umukinnyi wo hagati mu kibuga wakiniraga BUMAMURU yo mu Burundi yanatwaye Shampiyona y’icyo gihugu.

Rayon Sports yamusinyishije amasezerano y’imyaka 2.

Aruna Moussa Madjaliwa abanzamo mu ikipe y’igihugu y’u Burundi, akaba ari mu ikipe y’abakinnyi 11 beza baranze shampiyona y’u Burundi y’umwaka 2022-2023.

Ikipe ya Rayon Sports yakunze guhahira i Burundi kandi bikayihira, mu bakinnyi beza yagize ibaguze i Burundi harimo Kwizera Pierre uzwi nka Pierrot, Karim Nizigiyimana bita Mackenzie, Cédric Amissi (Hamisi), Shaban Hussein bita Tchabalala, Bimenyimana Bon Fils Caleb, Nahimana Shassir n’abandi.