skol
Kigali

Rayon Sports yanganyije imikino 2 ikurikiranye mu gihe AS Kigali yahawe isomo na Rutsiro FC

Imyidagaduro   Yanditswe na: Dusingizimana Remy 15 January 2022

Rayon Sports ikomeje gutera intambwe iyiganisha ku kuva ku gikombe burundu kuko yanganyije na Musanze FC 0-0,uba umukino wa 2 yikurikiranya inganyije cyane ko shampiyona yasubitswe imaze kunganya 0-0 na Gicumbi FC.

Rayon Sports itari ifite Youssef Rharb iheruka kwirukana,yananiwe kwinjiza igitego mu mikino ibiri ikurikirana.

Rayon Sports ikomeje kugorwa no kubona ibitego ndetse byitezwe ko bizagorana kongera kwitwara neza kubera kubura uriya munya Maroc wayifashaga kurema ibitego.

Rutsiro FC nayo yakoze ibitangaza itsindira AS Kigali ku kibuga cyayo i Nyamirambo ibitego 2-1.

Ku munota wa 29,Rutsiro FC yafunguye amazamu ku gitego cyinjijwe na Nkubito Hamza ku mupira uteretse wari utewe na Kwizera Bahati Emilien, ariko abakinnyi b’inyuma ba AS Kigali bananirwa gukiza izamu.Iki gitego nicyo cyabonetse mu gice cya mbere.

Mu gice cya kabiri ku munota wa 77,Shaban Hussein ’Tchabalala’ yishyuriye AS Kigali kuri penaliti yateye neza nyuma y’aho Bwira Olivier akiniye nabi Niyibizi Ramadhan mu rubuga rw’amahina.

Ku munota wa 82 Bwira Olivier yahinduye umupira mu rubuga rw’amahina, umunyezamu Bate Shamiru ananirwa kuwukomeza ugwa kuri Watanga Shukulu Jules awushyira mu izamu.

Umunsi wa 12 usize AS Kigali na Rayon Sports zavugaga ko zishaka igikombe ziri ku myanya ikurikirana aho zinganya amanota 20.AS Kigali ni iya 3 kuko izigamye ibitego 7 mu gihe Rayon Sports ari iya 4 izigamye 3.Police FC itarakina irazikurikira n’amanota 19.

Kuri iki cyumweru hateganyijwe umukino uzahuza ikipe ya mbere Kiyovu Sports ifite amanota 24 na APR FC ya Kabiri ifite 23 n’imikino 2 itarakina.

Uko imikino y’uyu munsi yagenze:

Rayon Sports 0-0 Musanze FC
Etincelles 0-1 Marines FC (Mugiraneza Frodouard 35’)
Espoir FC 0-0 Etoile De L’Est

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

AS Kigali yahagamye APR FC iyitesha umwanya wa mbere wa shampiyona

APR FC yananiwe kuguma ku mwanya wa mbere wa shampiyona nyuma yo kunganya...
22 January 2022 0

Rutahizamu w’Umunya Brazil wari utegerejwe na Rayon Sports ntakiyikiniye

Umunya Brazil Christmar Soares wari wasinyiye Rayon Sports mu minsi ishize...
22 January 2022 0

Priyanka Chopra wamenyekanye mu gukina ibihinde yibarutse umwana we wa...

Icyamamare mu gukina filimi by’umwihariko z’Igihinde [Priyanka Chopra]...
22 January 2022 0

Hatangajwe igihombo gikomeye Cristiano Ronaldo azahura nacyo United...

Nk’uko amakuru abitangaza ngo umushahara wa Cristiano Ronaldo uzagabanukaho...
22 January 2022 0

Sierra Leone: Inzu ya Kamara iracyarinzwe na polisi nyuma yuko ahushije...

Inzu ya rutahizamu wa Sierra Leone Kei Kamara iracyarinzwe na polisi nyuma...
22 January 2022 0

Myugariro wo muri RDC agiye gusezererwa n’ikipe ye kubera kubeshya imyaka...

Nk’uko amakuru abitangaza,uwahoze ari myugariro wa Newcastle, Chancel...
21 January 2022 0