Ikipe ya Rayon Sports yaraye yandikiye FERWAFA iyisaba ko itakongera gusifurirwa n’abasifuzi batatu(3) mpuzamahanga kubera ko bayizengereje.
Ibaruwa ubuyobozi bwa Rayon Sports bwaraye buhaye Ishyirahamwe ry’umupira w’amaguru mu Rwanda, irayisaba ko abasifuzi:Twagirumukiza Abdul,Karangwa Justin na Mugabo Eric batazongera gusifura imikino y’iyi kipe.
Aba basifuzi barangajwe imbere na Twagirumukiza Abdul wo Hagati,bakunze kutavugwaho rumwe ku mikino basifuriye Rayon Sports barimo uwo iheruka (...)

Sponsored Ad

Ikipe ya Rayon Sports yaraye yandikiye FERWAFA iyisaba ko itakongera gusifurirwa n’abasifuzi batatu(3) mpuzamahanga kubera ko bayizengereje.

Ibaruwa ubuyobozi bwa Rayon Sports bwaraye buhaye Ishyirahamwe ry’umupira w’amaguru mu Rwanda, irayisaba ko abasifuzi:Twagirumukiza Abdul,Karangwa Justin na Mugabo Eric batazongera gusifura imikino y’iyi kipe.

Aba basifuzi barangajwe imbere na Twagirumukiza Abdul wo Hagati,bakunze kutavugwaho rumwe ku mikino basifuriye Rayon Sports barimo uwo iheruka gutsindwa na Musanze FC ibitego 2-0.

Umutoza wa Rayon Sports, Haringingo Francis Mbaya Christian, yikomye umusifuzi Twagirumukiza Abdul Karim ku ikarita itukura yahaye Ndizeye Samuel muri uyu mukino batsinzwemo na Musanze FC.

Ni umukino wa shampiyona w’umunsi wa 11 wabereye kuri Stade Ubworoherane ejo hashize ku Cyumweru tariki ya 27 Ugushyingo 2022 maze Musanze FC itsinda Rayon Sports 2-0.

Nyuma y’uyu mukino, umutoza wa Rayon Sports, Haringingo Francis yikomye umusifuzi aho yavuze ko atari ikarita y’umuhondo.

Ati "Ikarita itukura namwe mwayibonye kuko njyewe sinemeranya n’umusifuzi, habaye ikosa, ikosa yaribonye ryari iry’ikarita y’umuhondo, si ukuvuga kubera umukinnyi yaguye nabi agata ubwenge ari cyo gisobanura ko ari ikarita itukura, simbyumva, ntabwo byumvikana, yaribonye ni ikosa ry’ikarita y’umuhondo, umukinnyi yaguye nabi, kubera iki? Yazanye umuvuduko, ntushobora guhindura ikarita kubera umukinnyi yaguye hasi akagwa nabi."

Yakomeje kandi avuga ko batari gutsindwa uyu mukino uretse ko itandukaniro ryabaye umusifuzi.

Ati "Ni icyo nta kindi, ntabwo uyu mukino twari kuwutakaza ni umusifuzi wakoze itandukaniro, twirirwa tubibona n’i Burayi umukinnyi arasimbuka akagwa nabi, bagatanga ikarita y’umuhondo, si ukubera ko abuze ubwenge ni ukubera umuvuduko, ikarita y’umuhondo yari yo ariko guhinduramo umutuku si byo."

Uyu Twagirumukiza sibwo bwa mbere yikomwe na Rayon Sports kuko yigeze kwanga igitego cya Sarpong bahuye na APR FC amushinja kurarira hanyuma bigaragara ko bitabayeho ndetse yananenzwe kwima Rayon Sports penaliti mu wundi mukino yahuye na APR FC uwari rutahizamu wayo Luvumbu agategerwa mu rubuga rw’amahina.