Uyu munsi nibwo Ishyirahamwe ry’umupira w’amaguru mu Rwanda [FERWAFA],ryakoze inama n’amakipe y’Icyiciro cya Mbere mu kurebera hamwe uko shampiyona yasubukurwa aho hahise hanashyirwaho uko amakipe azahangana mu matsinda 4.

Sponsored Ad

Kuwa Gatandatu w’icyumweru gishize,nibwo Ishyirahamwe ry’Umupira w’Amaguru mu Rwanda (FERWAFA) ryatumiye amakipe muri nama yabaye kuri uyu wa Kabiri tariki ya 6 Mata 2021 ku biro byayo i Remera.

Iyi nama yemeje ko shampiyona izasubukurwa kuya 01 Gicurasi, isozwe kuya 29 Kamena 2021, hanshyirwaho amatsinda 4 azavamo amakipe 2 abiri muri buri tsinda azahatanira shampiyona mu gihe andi 8 asigaye azahatanira kutamanuka.

UKO AMATSINDA APANZE:

Itsinda Rya Mbere :

APR FC , Bugesera FC ,As Muhanga na Gorilla FC

Itsinda rya Kabiri

Rayon Sports ,Kiyovu Sports ,Gasogi United na Rutsiro FC

Itsinda RYA Gatatu

Police FC ,As Kigali ,Musanze FC na Etincelles

Itsinda rya Kane

Mukura VS , Sunrise FC , Marines FC na Espoir FC

Uko gahunda iteganyijwe:

Mu matsinda,amakipe azakina imikino 6 yose kuko azakina ubanza nuwo kwishyura.Amakipe 2 ya mbere mu itsinda azesurana muri 1/4 na 1/2 aho hazabaho umukino umwe gusa wo gukuranamo.Hazabarwa amanota mu matsinda.

Hazabaho Tombola y’uko amakipe azakira mu kindi cyiciro gikurikira,izahuza amakipe 8 ya mbere n’amakipe 8 ya nyuma. Ibi bivuze ko amakipe 2 muri buri tsinda azatomborana mu gushaka igikombe hanyuma n’ayabaye 3 na 4 atomborane mu gushaka kutamanuka.

Shampiyona y’Icyiciro cya Mbere mu mupira w’amaguru yahagaritswe guhera ku wa 12 Ukuboza 2020, hashize icyumweru kimwe itangiye. Ni nyuma y’uko Minisiteri ya Siporo isanze hari amakipe yagaragayemo ubwandu bwa COVID-19 ndetse hakaba hatarakurikijwe amabwiriza yo kwirinda iki cyorezo.