Ikipe ya Rayon Sports yatangaje ko mu bwumvikane yatandukanye n’uwari umutoza wayo, umunya-Tunisia Yamen Zelfani.

Nyuma yo kunganya na Marines Fc ibitego 2-2 akanasezererwa muri CAF Confederation Cup atageze mu matsinda, Zelfani yatandukanye na Rayon Sports.

Mu mikino 4 ya shampiyona yari amaze gukina yari afite amanota 6 kuri 12.

Tariki 10 Nyakanga 2023 nibwo Zelfani yagizwe umutoza w’ikipe ya Rayon Sports

Uyu munsi tariki 08 Ukwakira 2023 ku bwumvikane bw’impande zombi bahisemo gutandukana.

Uyu mutoza udahirwa no kumara kabiri ahantu,urwibutso asigiye aba Rayon ni igikombe cya Super Cup batsinze APR FC 3-0.

Bisabye umunsi wa 5 gusa ngo umutoza wa mbere ave mu nshingano ze.

Rayon Sports yari imaze imikino itanu yikurikiranya idatsinda mu marushanwa yose.