Ikipe ya Rayon Sports irakira APR FC kuri uyu wa gatandatu tariki ya 17/12/2022, mu mukino w’umunsi wa 14 uzabera kuri Stade ya Kigali i Nyamirambo.
Ibiciro byo kwinjira muri uyu mukino uzahuza Rayon Sports na APR FC kuri uyu wa Gatandatu tariki ya 17 Ukuboza 2022 byatangajwe uyu munsi aho ahasanzwe hose ari 5000 FRW.
Ahatwikiriye hose ni 10,000, VIP 30,000,V VIP 100,000.
Rayon Sports irarusha amanota 4 APR FC muri shampiyona gusa imaze imikino 6 yikurikiranya itayitsinda.
Ku munsi (…)

Ikipe ya Rayon Sports irakira APR FC kuri uyu wa gatandatu tariki ya 17/12/2022, mu mukino w’umunsi wa 14 uzabera kuri Stade ya Kigali i Nyamirambo.

Ibiciro byo kwinjira muri uyu mukino uzahuza Rayon Sports na APR FC kuri uyu wa Gatandatu tariki ya 17 Ukuboza 2022 byatangajwe uyu munsi aho ahasanzwe hose ari 5000 FRW.

Ahatwikiriye hose ni 10,000, VIP 30,000,V VIP 100,000.

Rayon Sports irarusha amanota 4 APR FC muri shampiyona gusa imaze imikino 6 yikurikiranya itayitsinda.

Ku munsi w’ejo tariki ya 13 Ukuboza,2022,Perezida wa Rayon Sports, Uwayezu Jean Fidèle yagize ati"Imyaka ishize ari itatu tudatsinda APR tuzahatana. Ku wa Gatandatu ni ugupfa cyangwa gukira, ni umukino wa nyuma. Gutsinda tubifite mu nshingano kuva ku bakinnyi, ku batoza. Twambarire urugamba. Tugomba gutsinda."

Amanota atatu APR FC iheruka gukura i Rubavu kuri Stade Umuganda yatumye ihita igira amanota 24, ayisubiza ku mwanya wa gatatu n’amanota 24 inganya na Kiyovu Sports, mu gihe AS Kigali ya kabiri ifite 27 n’aho Rayon Sports ya mbere by’agateganyo ikagira amanota 28.