skol
Kigali

Rayon Sports yatijwe undi mukinnyi na Raja Casablanca utaha izamu

Imyidagaduro   Yanditswe na: Dusingizimana Remy 25 September 2021

Ikipe ya Raja Casablanca yatije Rayon Sports undi mukinnyi ukina ataha izamu witwa Rharb Youssef nyuma yo gutizwa undi witwa Ait Lahaissane.

Rayon Sports ibinyujije kuri Twitter yayo yavuze ko yasinyishije uyu musore w’imyaka 21 amasezerano y’umwaka umwe.

Yagize iti "Tunejejwe no kubamenyesha ko twarangije gusinyisha rutahizamu w’umuhanga RHARB YOUSSEF w’imyaka 21 kuva muri Raja Casablanca ku masezerano y’umwaka umwe!."

Ibi biri mu bufatanye Rayon Sports yasinyanye na Raja burimo ko Raja Casablanca izajya itiza abakinnyi Rayon Sports FC, ikanayifasha mu bikorwaremezo, gukorera umwiherero muri Maroc, kongera imbaraga mu buvuzi, kuzamura impano ku ngimbi z’iyi kipe yaboneye izuba i Nyanza no kujya zikina imikino ya gicuti, ibijyanye n’ikoranabuhanga n’ibindi.

Raja Casablanca ni yo kipe ikunzwe na benshi muri Maroc. Ni yo ibitse igikombe gihuza amakipe yatwaye ibikombe iwayo ’CAF Confederation Cup’ cya 2020/21.

Ibitse ibikombe 12 bya shampiyona, bitatu bya CAF Champions League, bibiri bya CAF Confederation Cup. Ibitse ibikombe birenga 31 byose hamwe harimo n’ibindi yagiye yegukana.

Rayon Sports FC yagiranye na Raja Casablanca amasezerano y’ubufatanye bw’imyaka itanu.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Pep Guardiola yabwiye Sterling amagambo ashobora kumukura muri Manchester...

Umutoza wa Manchester City,Pep Guardiola,yabwiye Raheem Sterling ko nta...
16 October 2021 0

Cristiano Ronaldo yahaye gasopo umutoza we Ole batameranye neza

Umunyabigwi Cristiano Ronaldo ukinira Manchester United yabwiye umutoza we...
16 October 2021 0

Maurico Pochettino yahishuye abakinnyi 3 aha amahirwe yo gutwara Ballon d’Or...

Umutoza wa Paris Saint-Germain, Maurico Pochettino, yashyize ahagaragara...
15 October 2021 0

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1