Ikipe ya Rayon Sports yongeye kubabaza abakunzi bayo ku munsi w’Igikundiro kuko yatsinzwe na Kenya Police FC igitego 1-0,iba inshuro ya gatatu yikurikiranya ku munsi w’ibirori byayo.
Nubwo yari yagize ibirori byiza n’akarasisi kadasanzwe,Rayon Sports yananiwe gukomereza ibyishimo mu kibuga kuko yatsinzwe igitego 1-0 na Kenya Police cyatsinzwe na Kenneth Muguna ku munota wa 46 w’umukino.
Rayon Sports yerekanye abakinnyi izakoresha mu mwaka w’imikino 2023/2024 gusa hari n’abataraza nkuko (…)

Ikipe ya Rayon Sports yongeye kubabaza abakunzi bayo ku munsi w’Igikundiro kuko yatsinzwe na Kenya Police FC igitego 1-0,iba inshuro ya gatatu yikurikiranya ku munsi w’ibirori byayo.

Nubwo yari yagize ibirori byiza n’akarasisi kadasanzwe,Rayon Sports yananiwe gukomereza ibyishimo mu kibuga kuko yatsinzwe igitego 1-0 na Kenya Police cyatsinzwe na Kenneth Muguna ku munota wa 46 w’umukino.

Rayon Sports yerekanye abakinnyi izakoresha mu mwaka w’imikino 2023/2024 gusa hari n’abataraza nkuko bivugwa.

Rayon Sports imaze imikino ya gicuti 3 yikurikiranya idatsinda aho yanganyije na Vital’o ibitego 2-2,inganya na Gorilla FC igitego 1-1,naho uyu munsi batsinzwe na Kenya Police igitego 1-0.

Iyi kipe ifite akazi kenshi ko kwikura imbere ya APR FC mu mukino wa Super Cup uteganyijwe kuwa 12 Kanama 2023.

Perezida wa Rayon Sports yabwiye abafana ko uyu mwaka biteguye guhanganira ibikombe byose bizakinirwa mu Rwanda uyu mwaka ndetse bakanagera mu matsinda ya CAF Confederations Cup.

Uko imikino iheruka ya Rayon Day yagenze:

2021:
Rayon Sports 1-2 Kiyovu Sports
2022:
Rayon Sports 0-1 Vipers FC
2023:
Rayon Sports 0-1 Kenya Police FC