skol
fortebet

Rayon Sports yatsinze Etoile de l’Est mu buryo butavuzweho rumwe /AS Kigali yongeye gutsikira

Yanditswe: Saturday 27, Nov 2021

featured-image

Sponsored Ad

Ikipe ya Rayon Sports yaherukaga gutsindwa na APR FC ibitego 2-1 yatsinze Etoile de l’Est igitego 1-0 mu buryo butavuzweho rumwe kubera uko iki gitego cyatsinzwe .
Rayon Sports yashakaga kwiyunga n’abafana bayo nyuma yo kubatera agahinda ku mukino wa APR FC,yatsinze bigoranye Etoile de l’Est igitego 1-0 mu mukino wabereye kuri stade Amahoro kuri uyu wa Gatandatu.
Rayon Sports yari yakoze impinduka nke mu bakinnyi yaherukaga gukoresha kuri APR FC,yafunguye amazamu ku munota wa 7 ku gitego (...)

Sponsored Ad

Ikipe ya Rayon Sports yaherukaga gutsindwa na APR FC ibitego 2-1 yatsinze Etoile de l’Est igitego 1-0 mu buryo butavuzweho rumwe kubera uko iki gitego cyatsinzwe .

Rayon Sports yashakaga kwiyunga n’abafana bayo nyuma yo kubatera agahinda ku mukino wa APR FC,yatsinze bigoranye Etoile de l’Est igitego 1-0 mu mukino wabereye kuri stade Amahoro kuri uyu wa Gatandatu.

Rayon Sports yari yakoze impinduka nke mu bakinnyi yaherukaga gukoresha kuri APR FC,yafunguye amazamu ku munota wa 7 ku gitego cyatsinzwe na Manasse Mutatu.

Iki gitego cyateje uburakari ku ruhande rwa Gicumbi FC kuko umupira wa Manace wakubise igiti cy’izamu udunda hasi uragaruka,umunyezamu wa Etoile de l’Est arawufata hanyuma umusifuzi yemeza ko umupira warenze umurongo.

Yaba umutoza Camarade n’abakinnyi ntabwo bemeranyije kuri uyu mwanzuro wo kwemeza iki gitego.

Mu gice cya mbere,umunyezamu Bashunga Abouba wari wabanje mu kibuga yafashe umupira abakinnyi ba Etoile de l’Est bamusabira ikarita itukura kubera ko yari yarenze umurongo we gusa umusifuzi yabiteye utwatsi.

Uyu mukino waranzwe no kwitwara nabi kwa Etoile de l’Est itabashije gukoresha neza amahirwe menshi yabonye imbere y’izamu.

Mu minota 6 y’inyongera,abakinnyi ba Etoile de l’Est barakariye cyane umusifuzi nyuma yo kubima penaliti ku mupira wari ugarujwe ukuboko n’umukinnyi wa Rayon Sports mu rubuga rw’amahina.

Umutoza Camarade yagaragaje kutishimira imisifurire kuri uyu mukino w’umunsi wa 5 wa shampiyona.

Rayon Sports igize manota 10 muri shampiyona mu gihe Etoile de l’Est ifite 3 iheruka gukura kuri Etincelles FC.

Mu yindi mikino yabaye uyu munsi,Kiyovu Sports yatsinze Musanze FC igitego 1-0 cya Bigirimana Abedi,mu gihe AS Kigali irakira na Police FC.

AS Kigali yaherukaga kunanirwa gutsinda Marines FC,yananiwe kwikura imbere ya Police FC kuko banganyije ibitego 2-2.

Police FC yabanje gutsinda ibitego 2 ibifashijwemo na Hakizimana Muhadjiri ku munota wa 21 na Usengimana Danny kuwa 30 mu gihe Aboubakar Lawal yishyuriye AS Kigali ku munota wa 45 kuri penaliti mu gihe yanatsinze ikindi ku munota wa nyuma w’umukino [93] nabwo kuri penaliti.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa