skol
Kigali

Rayon Sports yongeye kuba insina ngufi imbere ya Kiyovu Sports

Imyidagaduro   Yanditswe na: Dusingizimana Remy 5 December 2021

Ikipe ya Rayon Sports ikomeje kujya mu bihe bibi muri shampiyona y’u Rwanda kuko yatsinzwe na mukeba wayo Kiyovu Sports ibitego 2-0 bituma ikomeza gutera umugongo igikombe cya shampiyona.

Rayon Sports iheruka kunganya na Espoir FC bigoranye ibitego 2-2,yatsinzwe na mukeba wayo Kiyovu Sports mu mukino w’umunsi wa 7 wabereye kuri stade ya Kigali i Nyamirambo.

Kiyovu Sports yari yagaruye Emmanuel Arnold Okwi na Muzamiru Mutyaba bari bamaze iminsi badakina kubera ikibazo cy’uburwayi.

Kiyovu Sports yafunguye amazamu ku munota wa 18 ku gitego cyatsinzwe na Ishimwe Kevin ku ikosa ry’umunyezamu Hakizimana Adolphe wasohotse nabi akihera umupira uyu rutahizamu w’urucaca.

Ku munota wa 26, Hakizimana Adolphe yakuyemo umupira ukomeye wa Okwi kuri kufura yari ateye ku ikosa ryari rimukorewe.

Ku munota wa 41, Kevin Muhire yongeye guhusha igitego cyabazwe, ni nyuma y’umupira mwiza yahinduriwe na Youssef ariko ateye mu izamu n’umutwe unyura hejuru yaryo. Igice cya mbere cyarangiye ari 1-0.

Rayon Sports yatangiye igice cya kabiri ikora impinduka 2, Iranzi Jean Claude na Manace Mutatatu bavuyemo hinjiramo Mujyanama na Niyonkuru Sadjati.

Ku munota wa 58, Sadjati yateye ishoti rikomeye mu izamu rya Kiyovu Sports ku mupira wari uturutse muri koruneri ariko Kimenyi Yves uwusubiza muri koruneri.

Ku munota wa 64, Kiyovu Sports yatsinze igitego cya kabiri cyatsinzwe na Emmanuel Okwi ku mupira yari ahawe na Benedata Janvier.

Rayon Sports idahagaze neza,yananiwe no kubona igitego mu izamu rya Kiyovu Sports birangira itsinzwe na mukeba wayo wa kabiri nyuma ya APR FC yayitsinze ibitego 2-1.

Umutoza Masudi Djuma wa Rayon Sports akomeje kwitwara nabi kuko mu mikino 7 yakinnye muri iyi shampiyona,yabonye amanota 11 kuri 21 yashobokaga.

Imikino 3 yikurikiranya irashize Rayon Sports itabasha gutsinda Kiyovu Sports muri Shampiyona, byaherukaga hagati ya 2010 na 2012.

Indi mikino yabaye:

FC Marines 2-6 FC Bugesera
Gasogi United 0-0 Espoir FC


Urutonde rwa shampiyona

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble rukabu

    Massudi najye gutoza i buvira niyo level ye kabissa nta kigenda azi ko ageze ku rwego ruri hejuru agasuzuguro kutunvira abatoza bamwungirije, ahubwo arayita ku mwanya wa 15 nibatamuhindura Hakiri kare.muakoze

    1 month ago

Inzindi nkuru

Kevin de Bruyne yashyize hanze abakinnyi 5 akunda barimo 3 bo muri Premier...

Umukinnyi wo hagati wa Manchester City Kevin De Bruyne yashyize ahagaragara...
24 January 2022 0

Tuniziya yitwaye nabi cyane mu matsinda ya AFCON2021 yasezereye Nigeria...

Ikipe ya Tunisia itahabwaga amahirwe na benshi mu bakunzi ba ruhago imbere...
24 January 2022 0

Rayon Sports yandagajwe bikomeye na Marines FC

Ikipe ya Marines FC yatsinze Rayon Sports ibitego 3-0 mu mukino w’umunsi wa...
23 January 2022 0

Mutabazi Yves washimishije Abanyarwanda muri Volleyball yaburiwe...

Mutabazi Yves ukinira Ikipe y’Igihugu ya Volleyball yaburiwe irengero muri...
23 January 2022 0

Sadio Mane na Mo Salah bazahurira muri kamarampaka zo gushaka itike ya...

Ishyirahamwe ry’umupira w’amaguru muri Afurika [CAF] ryshyize hanze uko...
22 January 2022 0

AS Kigali yahagamye APR FC iyitesha umwanya wa mbere wa shampiyona

APR FC yananiwe kuguma ku mwanya wa mbere wa shampiyona nyuma yo kunganya...
22 January 2022 0