Ikipe ya Real Madrid iri mu rukundo n’abakinnyi bakiri bato irahabwa amahirwe menshi yo gusinyisha umukinnyi wa Borussia Dortmund, Jude Bellingham wifuzwa n’amakipe menshi.
Amakuru aravuga ko uyu musore nawe yamaze guhitamo kwerekeza muri Real Madrid kurusha mu makipe ya Premier League.
Ikinyamakuru Marca kiravuga ko Bellingham, ufite imyaka 19, yifuza gusinyira Real agatera umugongo Manchester United, Manchester City, Chelsea na Liverpool zimwifuza.
Ikinyamakuru The Sun giherutse (…)

Ikipe ya Real Madrid iri mu rukundo n’abakinnyi bakiri bato irahabwa amahirwe menshi yo gusinyisha umukinnyi wa Borussia Dortmund, Jude Bellingham wifuzwa n’amakipe menshi.

Amakuru aravuga ko uyu musore nawe yamaze guhitamo kwerekeza muri Real Madrid kurusha mu makipe ya Premier League.

Ikinyamakuru Marca kiravuga ko Bellingham, ufite imyaka 19, yifuza gusinyira Real agatera umugongo Manchester United, Manchester City, Chelsea na Liverpool zimwifuza.

Ikinyamakuru The Sun giherutse gutangaza ko uyu mukinnyi ukina hagati ashobora kuva muri Dortmund kuri miliyoni 83 z’ama pound mu mpeshyi itaha.

Bellingham naramuka agiye, "ibimenyetso" ngo birerekana ko azahitamo kujya muri Real Madrid.

Real Madrid nkuko isanzwe ibigenza ngo yasabye uyu musore w’imyaka 19 kwanga amasezerano mashya ya Dortmund.

Uyu mukinnyi wahoze akinira Bimingham yabigenje atyo kandi ngo yahakaniye amakipe ya Premier League amwifuza.

Real irashaka kwinjiza abakiri bato benshi mu kibuga cyayo hagati ngo basimbure Luka Modric, Toni Kroos na Casemiro wagiye muri United.

Modric w’imyaka 37, na Kroos w’imyaka 32, bombi bageze mu za bukuru kandi amasezerano yabo azarangira muri Kamena.

Los Blancos ubu irimo gutegura inzira gahoro gahoro kuri Eduardo Camavinga, Aurelien Tchouameni na Federico Valverde ku bw’ejo hazaza.

Bellingham afite amasezerano na BVB azamugeza muri 2025.