skol
Kigali

Real Madrid irashaka gutanga abakinnyi bayo 2 bakomeye kugira ngo ibone kizigenza wa Juventus

Imyidagaduro   Yanditswe na: Dusingizimana Remy 29 October 2020

Ikipe ya Real Madrid ihagaze nabi cyane yatangiye gushaka abakinnyi bayizahura ariyo mpamvu yifuza gutanga Isco na Vinicius Jr mu ikipe ya Juventus kugira ngo ibone Paulo Dybala wabaye umukinnyi mwiza mu Butaliyani mu mwaka w’imikino ushize.


Real Madrid yigeze kwifuza Dybala mu myaka yashize ariko ntiyashyiramo imbaraga ariko kuri iyi nshuro umutoza Zinedine Zidane aramukeneye ariyo mpamvu yemeye gutanga abakinnyi 2 beza afite kugira ngo amubone.

Ikinyamakuru Calciomercato kiravuga ko Zidane yakwemera gutanga Isco na Vinicius bakajya muri Juventus ariko akabona Dybala wamufasha kuzamura ubusatirizi bwe.

Zidane ngo asanzwe akunda imikinire ya Dybala ariyo mpamvu yifuza kumuzana ku kibuga cya Santiago Bernabeu akamufasha mu busatirizi.

Inkuru yo kwerekeza muri Real Madrid kwa Dybala imaze igihe izwi mu rwambariro rw’iyi kipe yo muri Espagne ariyo mpamvu iki kinyamakuru cyemeje ko mu kwezi kwa mbere cyangwa mu mpeshyi Zidane azamugura.

Amakuru yo kurekura Isco na Vinicius Jr yamamaye nyuma y’aho aba basore 2 bagaragaje imyitwarire mibi ku kibuga.

Isco yagaragaye ari kunenga imisimburize ya Zidane aho yemeje ko atamuha umwanya ndetse ko niyo amubanjemo amukuramo hakiri kare.

Amakuru avuga ko uyu musore w’imyaka 28 atishimiwe na kapiteni Ramos kubera umusaruro we muke ndetde ngo nyuma ya El Clasico bashwaniye mu rwambariro.

Ku munsi w’ejo hiriwe amafoto agaragaza Karim Benzema ari gusaba Ferland Mendy kudaha umupira Vinicius kubera ukuntu yayipfushaga ubusa ku mukino wa Borussia Monchengladbach.


Dybala arifuzwa na Real Madrid

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibikurankota Kiyovu Sports yakuye muri Uganda byatangiye imyitozo...

Abakinnyi 2 bakomoka muri Uganda, Emmanuel Arnold Okwi na Mzamiru Mutyaba...
28 October 2021 0

FC Barcelona yirukanye uwari umutoza wayo Ronald Koeman

Umutoza Ronald Koeman yirukanwe ku mirimo yo gutoza ikipe ya FC Barcelona...
28 October 2021 0

Umusaza yahemukiye bikomeye abasore bamusambanyirije umugore

Mu gace ka Pissela muri Burkina Faso habereye ibitangaza ubwo ubwo abasore...
27 October 2021 0

Carlo Ancelotti yihanangirije Eden Hazard wifuza gukina ari ku rwego rwo...

Umukinnyi ukina asatira mu ikipe ya Real Madrid,Eden Hazard, yasabwe...
27 October 2021 0

Manchester United yamanutse cyane ku rutonde rw’amakipe akomeye i Burayi...

Ikipe ya Manchester United yamanutse ku mwanya wa cyenda ku rutonde rw’uko...
27 October 2021 0

APR FC yatomboye RS Berkane muri CAF Confederation Cup

Ikipe ya APR FC yatomboye ikigugu Renaissance Sportive de Berkane yo muri...
26 October 2021 0