Amakipe ahabwa amahirwe menshi kurusha andi yose muri UEFA Champions League y’uyu mwaka,zatangiye zitsindira hanze mu mikino yo gukuranamo ya 1/16 cy’irangiza.

Sponsored Ad

Nyuma yo kurangiza amatsinda ziri hejuru cyane,izi kipe zikomeye zakomeje umuvuduko wazo zitsindira hanze y’ibibuga byazo mu cyiciro kizwi nka 1/8.

Real Madrid yari yasuye ikipe ya RB Leipzig mu Budage,birangira iyitsinze igitego 1-0 cyatsinzwe na Brahim Diaz ku munota wa 48 w’umukino.

Real Madrid ibura abakinnyi benshi igenderaho nka Rudiger,Militao,Courtois,Alaba na Bellingham,yerekanye ko yuzuye itsindira iyi kipe mu Budage mu mukino itahuye n’ibibazo byinshi.

Nubwo yatsinze igitego 1-0,yashoboraga kubona ibindi bitego iyo Vinicius akoresha neza amahirwe akomeye yabonye.

Ku rundi ruhande,rutahizamu Sesko wa Leipzig nawe yabonye uburyo bukomeye bwinshi ariko ntiyabubyaza umusaruro.

Mu gihe kubona umwanya bikigoye,Brahim Diaz ari gusimbura uwabuze kandi bikagenda neza.Nyuma yo gusimbura mu minsi ishize Vinicius Jr, ubu yasimbuye neza Jude Bellingham.

Ikibabaje nuko uyu Diaz nawe yaje kugira imvune.

Umukino wo kwishyura Santiago Bernabeu uzakinwa tariki ya 6 Werurwe 2024.

Mu wundi mukino,Man City yari yerekeje muri Denmark gusura ikipe ya FC Copenhagen.

Man City ifte abakinnyi bayo buzuye,yatsinze Copenhagen ibitego 3-1 byatsinzwe na Kevin De Bruyne,Bernardo Silva na Foden.

Kizigenza De Bruyne amaze kugira uruhare mu bitego 8 muri Man City kuva akize imvune

Uyu wari umukino wa mbere kuri Copenhagen mu mezi 2 ashize nyuma y’uko imikino yari yarahagaze iwayo kubera urubura.