skol
Kigali

Real Madrid yatwaye Supercopa ikomeza kugwiza ibigwi ku isi [AMAFOTO]

Imyidagaduro   Yanditswe na: Dusingizimana Remy 17 January 2022

Ikipe ya Real Madrid yaraye itsinze Athletic Bilbao ibitego 2-0 mu mukino wa nyuma wa Supercopa ya Espagne wabereye I Riyadh muri Saudi Arabia,yegukana iki gikombe ku nshuro ya 12.

Madrid ikomeje kuba ubukombe kuko yaraye itwaye iki gikombe itsinze umukino wa nyuma wa 12 muri 13 iheruka gukina.

Real Madrid ikomeje kwerekana ko ari ubukombe kuko nyuma yo gusezerera FC Barcelona hagati mu cyumweru iyitsinzeibitego 3-2 yisasiye na Athletic Bilbao yageze kuri uyu mukino wa nyuma isezereye Atlético Madrid ku bitego 2-1.

Real Madrid yafunguye amazamu ku munota wa 37 w’umukino,ubwo Rodrygo yinjiranye umupira mu rubuga rw’amahina, awusubiza inyuma gato awuha Luka Modrić atera ishoti rikomeye nkuko asanzwe abizwiho, ryaruhukiye mu izamu rya Athletic Bilbao.

Nyuma y’iminota itandatu igice cya kabiri gitangiye, Benzema yahawe umupira ari mu rubuga rw’amahina, ashatse kuwutera mu izamu myugariro Yeray Alvarez aritambika ashyiraho ukuboko, hemezwa penaliti nyuma yo kwifashisha amashusho ya VAR.

Iyi penaliti yinjijwe neza n’uyu Kapiteni wa Real Madrid washimangiye intsinzi hakiri kare.

Habura iminota itatu ngo umukino urangire, Eder Miltao wa Real Madrid yahawe ikarita itukura ubwo yagaruraga umupira n’ukuboko mu rubuga rw’amahina.

Athletic Club yahawe penaliti yatewe na Raul García ikurwamo na Thibaut Courtois akoresheje ukuguru.

Real Madrid yatwaye Supercopa de España ya 12, irushwa imwe na mukeba wayo FC Barcelone imaze kuyegukana inshuro 13.Iki ni igikombe cya 93 iyi kipe y’ubukombe yujuje ikaba ariyo ifite byinshi mu mateka ya Espagne.

Karim Benzema yabaye umukinnyi w’umufaransa umaze gutwara ibikombe byinshi muri ruhago aho yujuje icya 28.






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester City yongeye kwegukana igikombe cya Premier League bivuye...

Ikipe ya Manchester City yongeye gushaka guheza umwuka abakunzi bayo ubwo...
22 May 2022 0

Kizigenza mu gutunga imodoka zihenze!!!Reba imodoka zihenze Aubameyang...

Uwahoze ari kapiteni wa Arsenal, Pierre-Emerick Aubameyang yakoresheje...
22 May 2022 0

Myugariro Chilwell yatandukanye n’ikizungerezi bakundanaga [AMAFOTO]

Myugariro w’Ubwongereza na Chelsea,Ben Chilwell, yongeye gusubira kubaho nta...
22 May 2022 0

La LIGA yiyemeje kurega PSG nyuma yo gusinyisha Kylian Mbappe

Rutahizamu w’ikipe y’igihugu y’Ubufaransa Kylian Mbappé yemeye kuguma mu ikipe...
22 May 2022 0

Bidasubirwaho Mbappe yagumye mu ikipe ya PSG yamuhaye akayabo

Rutahizamu Kylian Mbappe,yatangaje ku mugaragaro ko agiye kuguma mu ikipe...
21 May 2022 0

REG BBC yasezerewe muri #BAL 2022 mu mukino warebwe na Perezida...

Ikipe ya REGBBC yari ihagarariye u Rwanda mu mikino y’amakipe yabaye aya...
21 May 2022 0