Ikipe ya Real Madrid yatwaye igikombe cya 14 cya Champions League mu ijoro ryo ku cyumweru ihita ikuba kabiri ibikombe bifitwe na AC Milan iyikurikiye mu bamaze gutwara iki gikombe kenshi.
Los Blancos yatsinze Liverpool igitego 1-0 mu mikino waranzwe no kwigaragaza k’umunyezamu Thibaut Courtois wari uhagaze neza mu izamu.
Liverpool yagerageje inshuro nyinshi gutsinda Madrid ariko Courtois yakoze agahigo akuramo imipira 9 yabazwe ibintu bitigeze bikorwa n’undi munyezamu ku mukino wa nyuma (...)

Sponsored Ad

Ikipe ya Real Madrid yatwaye igikombe cya 14 cya Champions League mu ijoro ryo ku cyumweru ihita ikuba kabiri ibikombe bifitwe na AC Milan iyikurikiye mu bamaze gutwara iki gikombe kenshi.

Los Blancos yatsinze Liverpool igitego 1-0 mu mikino waranzwe no kwigaragaza k’umunyezamu Thibaut Courtois wari uhagaze neza mu izamu.

Liverpool yagerageje inshuro nyinshi gutsinda Madrid ariko Courtois yakoze agahigo akuramo imipira 9 yabazwe ibintu bitigeze bikorwa n’undi munyezamu ku mukino wa nyuma wa Champions League.

Igitego cya Vinicius Jr mu gice cya kabiri cyari gihagije kugira ngo abagabo ba Ancelotti batware igikombe cya Champions League.

Ancelotti yahesheje igikombe cya 10 [La Decima] Real Madrid yari itegereje imyaka myinshi muri 2014 none yayihaye igikombe cya kabiri cya Champions League muri 2021.

Ku cyumweru nibwo iyi kipe y’ubukombe yageze i Madrid mu rukerera hanyuma mu masaha y’igicamunsi yerekana iki gikombe kuva Bernabéu yerekeza I Cibeles.

Abafana ba Real Madrid bongeye kuzura kuri Plaza de Cibeles kugira ngo bishimire ikindi gikombe cyu Burayi.

Abakinnyi bageze i Cibeles nyuma yo gusura ubuyobozi bw’umujyi. Umwuka w’ibirori wari wiyongeyeho umuziki mu gihe abafana bagaragaje ko bashyigikiye intwari zabo zakoze amateka.

Hirya no hino muri aka gace hari ibitambaro n’ibyapa byanditseho amagambo agira ati: "¡Gracias madridistas!" na “Ch14mpion”.

Abakinnyi bavuye muri bisi bajya ku rubyiniro bari bateguriwe, aho babyinnye bakaririmbana n’abafana. Abakinnyi bashimiye aba bafana babashyigikiye aho bagize uruhare runini mu gutwara igikombe cya 14 cy’Uburayi.