Ikipe ya Real Madrid irifuza gutanga abakinnyi bayo batatu bakomeye Gareth Bale, Karim Benzema na Luka Modrid kugira ngo ibone rutahizamu Harry Kane nkuko amakuru dukesha ikinyamakuru The Sun abitangaza. Kuva umwaka ushize umuherwe wa Real Madrid yatangiye gukunda uyu rutahizamu w’umwongereza niyo mpamvu yifuza gutanga aba basore kugira ngo amubone nkuko amakuru dukesha The sun nayo cyakuye kuri Diaro Gol cyo muri Espagne abitangaza. Ikipe ya Real Madrid biravugwa ko yegereye umuherwe wa (…)

Ikipe ya Real Madrid irifuza gutanga abakinnyi bayo batatu bakomeye Gareth Bale, Karim Benzema na Luka Modrid kugira ngo ibone rutahizamu Harry Kane nkuko amakuru dukesha ikinyamakuru The Sun abitangaza.

Kuva umwaka ushize umuherwe wa Real Madrid yatangiye gukunda uyu rutahizamu w’umwongereza niyo mpamvu yifuza gutanga aba basore kugira ngo amubone nkuko amakuru dukesha The sun nayo cyakuye kuri Diaro Gol cyo muri Espagne abitangaza.
Ikipe ya Real Madrid biravugwa ko yegereye umuherwe wa Tottenham Daniel Levy bakamuha akayabo ka miliyoni 150 z’amapawundi akayanga we akababwira ko ashaka miliyoni 179 z’amapawundi.

Aba basore 3 Bale w’imyaka 28,Modric w’imyaka 32 na Benzema w’imyaka 29 bashobora guhabwa iyi kipe yo mu mugi wa London kugira ngo irekure uyu kizigenza uherutse gufasha Ubwongereza kwerekeza mu gikombe cy’isi.

Harry Kane w’imyaka 24, akomeje gutangaza abakunzi b’umupira w’amaguru ku isi kubera ubuhanga bwo gutsinda ibitego afite dore ko umwaka ushize yatsinze ibitego 29 byamuhaye kurangiza ariwe ufite ibitego byinshi mu Bwongereza ndetse kuri ubu akaba yarashyizwe ku rutonde rw’abakinnyi bahatanira Ballon d’or na France Football.

Uretse Kane undi mukinnyi wa Tottenham witwa Dele Alli nawe bimaze iminsi bivugwa ko yifuzwa n’amakipe akomeye yo muri Espagne Real Madrid na FC Barcelona.