Ikipe ya Al Hilal yo muri Saudi Arabia niyo yahize andi makipe yose yo ku isi mu gushora akayabo ku isoko aho yatanze akabakaba miliyoni 352 z’amayero ku bakinnyi.

Neymar Jr niwe waguzwe akayabo n’iyi kipe aho yatanzweho miliyoni 90 z’amayero mu kwezi kwa Kanama uyu mwaka.

Abandi bakinnyi yaguze harimo: Malcom (€60m), Ruben Neves (€55m), Aleksandar Mitrovic (€52.6m), Sergej Milinkovic-Savic (€40m), Kalidou Koulibaly (€23m), Bono (€21m) na Hassan Tambakti (€11.5m).

Ikipe ya Chelsea ni iya kabiri aho yashoye akayabo ka miliyoni 464.1 z’amayero ku isoko gusa nayo yagurishije abo yari ifite kuri miliyoni 257.4 a’amayero.

Ubwo bivuze ko ku isoko yashoye miliyoni 206.7 z’amayero.

Ikipe ya Mauricio Pochettino yaguze Moises Caicedo (€116m), Romeo Lavia (€62.1m),Christopher Nkunku (€60m) n’abandi mu gihe yagurishije abarimo Kai Havertz (€75m), Mason Mount (€64.2m),Mateo Kovacic (€29.1m) n’abandi.

Paris Saint-Germain iri inyuma ya Chelsea yashoye akayabo ka miliyoni €206.5. Iyi kipe yashoye miliyoni €346.5 kuri Randal Kolo Muani, Manuel Ugarte, Ousmane Dembele, Lucas Hernandez, Bradley Barcola, Hugo Ekitike, Kang-in Lee na Xavi Simons.

Al-Ahli yo muri Saudi Pro League ni iya kane mu gushora akayabo ku isi muri iyi mpeshyi aho yashoye miliyoni €181.7.

Yaguze abarimo Gabri Veiga, Riyad Mahrez, Roger Ibanez, Allan Saint-Maximin, Edouard Mendy na Franck Kessie mu gihe abarimo Roberto Firmino yaziye ubuntu avuye muri Liverpool.Nta mukinnyi bagurishije.

Iyi kipe yaguze umukinnyi ukiri muto Veiga muri Celta Vigo imutwara amakipe nka PSG, Chelsea na Napoli .Yaguzwe Miliyoni €40,arenga miliyoni €35 kuri Mahrez.

Ikipe ya Arsenal ku isi mu gushora akayabo.Ikipe ya Mikel Arteta yashoye miliyoni €167.7 muri iyi mpeshyi igura Declan Rice, Kai Havertz na Jurrien Timber.

Aba bakinnyi batwaye iyi kipe akayabo ka miliyoni €231.6, gusa nayo yinjije miliyoni €65.1 igurisha Folarin Balogun, Granit Xhaka, Matt Turner, Auston Trusty na Pablo Mari.

Al-Nassr iri ku mwanya wa Gatandatu ku gushora aho yatanze miliyoni €165.1 ku isoko.

Iyi kipe yashoye kuri Otavio (€60m), Sadio Mane (€30m), Aymeric Laporte (€27.5m), Seko Fofana (€25m), Marcelo Brozovic (€18m) na Alex Telles (€4.6m).Nta mukinnyi n’umwe yagurishije.

Manchester United yaje ku mwanya wa karindwi kuri miliyoni €140.5. Erik ten Hag yahawe akayabo agura Rasmus Hojlund (€75m), Mason Mount (€64.2m), Andre Onana (€52.5m) na Altay Bayindir (€5m).

Yagurishije abarimo Dean Henderson, Anthony Elanga, Fred, Matej Kovar, Alex Telles, Zidane Iqbal, na Ethan Laird.

Tottenham yaje ku mwanya wa munani igura abakinnyi ahobyashoye akayabo ka miliyoni €137 nyuma yo kugura abarimo James Maddison, Micky van de Ven,Brennan Johnson n’abandi.Binjije miliyoni €116.6 yavuye kuri Harry Kane wagiye muri Bayern Munich.

Bournemouth yaje ku mwanya wa cyenda ishoye akayabo ka miliyoni €126.2mu gihe Real Madrid ari iya 10 aho yashoye miliyoni €115.

Iyi yatanze miliyoni nyinshi mu kugura Jude Bellingham kuva muri Borussia Dortmund,izana abandi barimo Arda Guler na Fran Garcia gusa nayo yaragurishije.