Umukinnyi Cristiano Ronaldo uri mu biganiro bya nyuma na Juventus kugira ngo ayerekezemo aguzwe akayabo ka miliyoni 88 z’amayero aho bivugwa ko agiye gutura mu nzu ya Zinedine Zidane y’akataraboneka iherereye mu mujyi wa Turin.

Sponsored Ad

Uyu munya Portugal w’imyaka 33 yifuje gutandukana na Real Madrid nyuma yo kumwima agaciro bakanga kumwongeza umushahara byatumye ushinzwe kumushakira amakipe Jorges Mendes yerekeza mu ikipe ya Juventus none ibiganiro biri hafi kugera ku musozo.

Iyi nzu ifite ibyumba 8,pisine ndetse n’inzira 2 Ronaldo azajya ayikodesha akayabo akayabo k’ibihumbi 35 by’amapawundi ku munsi nkuko The Sun dukesha iyi nkuru ibitangaza.

Ibinyamakuru byo mu Butaliyani byemeje ko iki cyamamare cyamaze kugera mu mujyi wa Turin ndetse gishima iyi nzu kuko aho cyerekeje kijyana n’umuryango wacyo.

Cristiano azakoresherezwa ibirori by’akataraboneka byo kumusezeraho nyuma yo guca agahigo ko kuba umukinnyi watsindiye ibitego byinshi Real Madrid kuva yabaho.

Ronaldo ushobora kwerekanwa muri Juventus isaha n’isaha agiye muri iyi nzu yatuwemo na Fabio Cannavaro nyuma ya Zidane.