Myugariro w’umuhanga Reece James azamara nibura ibyumweru 8 hanze y’ikibuga nyuma y’imvune yagize mu mukino wahuje Chelsea na AC Milan.
Ibi bitumye ikipe y’igihugu y’Ubwongereza imuhomba kuko igikombe cy’isi kigiye gutangira mu kwezi gutaha.
Uyu musore w’imyaka 22 yagize imvune mu gice cya kabiri cy’umukino wo kuwa kabiri Chelsea yatsinze AC Milan ibitego 2-0 muri Champions League.
Mu magambo yayo, Chelsea yagize ati: "Nyuma y’imvune yo mu ivi yagize mu mukino twakiniye hanze na AC Milan, Reece (...)

Sponsored Ad

Myugariro w’umuhanga Reece James azamara nibura ibyumweru 8 hanze y’ikibuga nyuma y’imvune yagize mu mukino wahuje Chelsea na AC Milan.

Ibi bitumye ikipe y’igihugu y’Ubwongereza imuhomba kuko igikombe cy’isi kigiye gutangira mu kwezi gutaha.

Uyu musore w’imyaka 22 yagize imvune mu gice cya kabiri cy’umukino wo kuwa kabiri Chelsea yatsinze AC Milan ibitego 2-0 muri Champions League.

Mu magambo yayo, Chelsea yagize ati: "Nyuma y’imvune yo mu ivi yagize mu mukino twakiniye hanze na AC Milan, Reece yavuwe n’ishami ry’ubuvuzi rya Chelsea kandi yasuye inzobere muri iyi weekend.

Nyuma yo kuganira n’impande zose, Reece agiye gutangira gahunda yo gukira kandi biteganijwe ko azamara ibyumweru umunani hanze adakina. "

Igikombe cy’isi kizatangira ku ya 20 Ugushyingo, Ubwongereza butangire imikino yo mu matsinda nyuma y’umunsi umwe na Irani.

Mu cyumweru gishize, umutoza w’Ubwongereza Gareth Southgate yabuze batatu mu bakinnyi be bakina inyuma ku ruhande rw’iburyo bagize imvune.

Kyle Walker ukinira ikipe ya Manchester City arashidikanywaho mu ikipe ya Southgate nyuma yo kubagwa mu gihe Trent Alexander-Arnold ukinira ikipe ya Liverpool na we yavunitse.

James n’undi mukinnyi wa Chelsea wiyongera kuri N’Golo Kante nawe utazakina igikombe cy’Isi kubera imvune.