REG WBBC yageze ku mukino wa nyuma w’Imikino Nyafurika ya ‘FIBA Africa Women Basketball League’ nyuma yo gutsinda Equity Bank amanota 76-61.

Muri uyu mukino wa 1/2 wabereye muri Lycée de Kigali,REG WBBC yihagazeho mu gace ka nyuma itsinda Equity Bank yo muri Kenya.

Iyi kipe y’u Rwanda izakina umukino wa nyuma na Kenya Ports Authority ku wa Gatandatu, tariki ya 4 Ugushyingo 2023.

Agace ka Mbere karangiye Equity Bank iyoboye umukino n’amanota 20 kuri 16 ya REG WBBC.

Igice cya Mbere cyarangiye amakipe yombi anganya amanota 35-35.

Agace ka Gatatu karangiye REG WBBC iyoboye umukino n’amanota 56 kuri 45 ya Equity Bank.

Kenya Ports Authority yo yatsinze JKL Lady Dolphins yo muri Uganda amanota 74-53 igera ku mukino wa nyuma wa ‘FIBA Africa Women Basketball League’.

Imikino Nyafurika ya ‘FIBA Africa Women Basketball League’ izabera mu Misiri mu Ukuboza 2023.