skol
fortebet

Robert Lewandowski yatwaye igihembo cya FIFA The Best ku nshuro ya 2 yikurikiranya

Yanditswe: Tuesday 18, Jan 2022

featured-image

Sponsored Ad

Umukinnyi wa BAYERN MUNICH, Robert Lewandowski, yatowe nk’umukinnyi wa FIFA witwaye neza kurusha abandi bose ku isi mu bagabo mu mwaka w’imikino ushize.
Uyu mugabo w’imyaka 33 y’amavuko yatsinze abarimo rutahizamu wa Paris Saint-Germain,Lionel Messi na Mohamed Salah ukinira ikipe ya Liverpool,yegukane iki gihembo gikomeye.
Ibigwi bya Lewandowski mu mwaka ushize byi gutsinda ibitego byinshi ndetse no gufasha Bayern Munich kwegukana ibikombe byose bikinirwa mu Budage.Iki gihembo agitwaye nyuma (...)

Sponsored Ad

Umukinnyi wa BAYERN MUNICH, Robert Lewandowski, yatowe nk’umukinnyi wa FIFA witwaye neza kurusha abandi bose ku isi mu bagabo mu mwaka w’imikino ushize.

Uyu mugabo w’imyaka 33 y’amavuko yatsinze abarimo rutahizamu wa Paris Saint-Germain,Lionel Messi na Mohamed Salah ukinira ikipe ya Liverpool,yegukane iki gihembo gikomeye.

Ibigwi bya Lewandowski mu mwaka ushize byi gutsinda ibitego byinshi ndetse no gufasha Bayern Munich kwegukana ibikombe byose bikinirwa mu Budage.Iki gihembo agitwaye nyuma y’uko Messi amutsinze ku gihembo cya Ballon d’or 2021.

Nta mukinnyi watsinze ibitego birenze ibitego 69 uyu munya Polonye yatsinze muri 2021.

Uyu wahoze akinira Borussia Dortmund yagumanye iki gihembo cye kuko n’umwaka ushize niwe wacyegukanye.Uyu mugabo aracyiteganyiriza kongera kucyisubiza kuko muri uyu mwaka w’imikino amaze gutsinda ibitego 34 mu mikino 27.

Mu bandi, umunyezamu wa Chelsea, Edouard Mendy yegukanye igihembo cy’umuzamu mwiza wahize abandi mu bagabo nyuma yo gufasha iyi kipe kwegukana Champions League umwaka ushize.

Nubwo yahawe iki gihembo,benshi batunguwe nuko uyu munyezamu atashyizwe mu ikipe nziza y’umwaka mu bagabo kuko yasimbujwe Gianluigi Donnarumma, wafashije Ubutaliyani gutwara Euro 2020.

Icyakora bagenzi be bakinana muri Chelsea Jorginho na N’Golo Kante baje muri XI mu ikipe y’umwaka.

Umutoza wa Mendy, Thomas Tuchel, yatsinze Pep Guardiola na Roberto Mancini,agirwa umutoza mwiza mu bagabo nyuma yo kuyobora Chelsea ku gikombe cyabo cya kabiri cya Champions League.

Ibirori byabaye byinshi muri The Blues nyuma y’aho umutoza w’ikipe yabo y’abagore Emma Hayes atwaye igihembo cyumutoza mwiza mu bagore.

Umukinnyi mwiza mu bagore yabaye Alexia Putellas wa FC Barcelona.Igihembo cya Fair Play awards cyahawe ikipe ya Denmark,abaganga bayo ndetse n’abatoza bayo kubera uko bitwaye ubwo umukinnyi Eriksen yari amaze kwitura hasi mu kibuga kubera ikibazo cy’umutima.Igihembo cy’abafana bitwaye neza cyahawe aba Denmark na Finland kubera uko bitwaye uwo munsi.

Umukinnyi wa Sevilla, Erik Lamela yatsindiye igihembo cya Puskas gihabwa umukinnyi watsinze igitego cyiza.Uyu yagitsindiyeTottenham yo mu majyaruguru ya London mu mukino yatsinzwemo na Arsenal ibitego 2-1.

Kizigenza Cristiano Ronaldo,yahawe igihembo cyihariye na Fifa kubera guca agahigo ko kuba umukinnyi wahize abandi mu gutsindira ikipe y’igihugu ibitego byinshi.

Uyu mugabo ukinira Manchester United yagize ati: “Nibyiza cyane. Ni inzozi. Ntabwo nigeze ntekereza ko nzakuraho agahigo k’ibitego 109 none maze kurenzaho 6

Nishimiye cyane kwakira iki gihemo mu ishyirahamwe nubaha cyane. Ni agahigo gakomeye nagezeho kandi n’agahebuzo kuba umukinnyi watsinze ibitego byinshi mu bihe byose. ”

Yongeyeho ati: “Ndacyafite ishyaka ry’uyu mukino. Ntabwo ari ugutsinda ibitego gusa ahubwo ndishimisha.

Ndacyishimiye imyitozo kandi ubushake buracyahari, nubwo ngiye kuzuza imyaka 37 vuba. Nakoze cyane kuva mfite imyaka 18 kandi ndacyafite ishyaka ryo gukomeza. Nizeye kuzakina indi myaka ine cyangwa itanu. ”

Ronaldo wari umaze iminsi atitabira ibihembo bitandukanye,ejo yerekeje i Zurich ari kumwe n’umukunzi we Georgina utwite ndetse n’umuhungu we mukuru Cristiano Jr.

Ikipe y’umwaka ya FIFA:

Umunyezamu: Gianluigi Donnarumma (AC Milan/Paris Saint-Germain)

Ba myugariro: David Alaba (FC Bayern München/Real Madrid CF), Leonardo Bonucci (Juventus FC) na Rúben Dias (Manchester City FC).

Abo hagati: Kevin De Bruyne (Manchester City FC), Jorginho (Chelsea FC) na N’Golo Kanté (Chelsea FC).

Ba rutahizamu: Cristiano Ronaldo (Juventus FC/Manchester United FC), Erling Haaland (BV Borussia 09 Dortmund), Robert Lewandowski (FC Bayern München) na Lionel Messi (FC Barcelona/Paris Saint-Germain)



Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa