Abanyabigwi b’ikipe ya Arsenal FC yo mu Bwongereza, basuye Pariki ya Nyungwe ndetse bagaragaza ibyishimo nkuko byagaragaye mu mafoto bafotowe.
Aba bagabo bari mu ikipe ya Arsenal yatwaye igikombe cya shampiyona idatsinzwe, bari mu bikorwa by’ubukerarugendo bizamara iminsi itandatu mu Rwanda.
Kuri uyu wa Mbere, tariki ya 7 Gashyantare,nibwo bombi basuye Pariki ya Nyungwe bagendera ku kiraro cyo mu bushorishori cya “Nyungwe Canopy Walkway”.
Biteganyijwe ko nyuma yo gusura Pariki y’Igihugu ya (...)

Sponsored Ad

Abanyabigwi b’ikipe ya Arsenal FC yo mu Bwongereza, basuye Pariki ya Nyungwe ndetse bagaragaza ibyishimo nkuko byagaragaye mu mafoto bafotowe.

Aba bagabo bari mu ikipe ya Arsenal yatwaye igikombe cya shampiyona idatsinzwe, bari mu bikorwa by’ubukerarugendo bizamara iminsi itandatu mu Rwanda.

Kuri uyu wa Mbere, tariki ya 7 Gashyantare,nibwo bombi basuye Pariki ya Nyungwe bagendera ku kiraro cyo mu bushorishori cya “Nyungwe Canopy Walkway”.

Biteganyijwe ko nyuma yo gusura Pariki y’Igihugu ya Nyungwe, Robert Pires na Ray Parlour bazatambagizwa ibyiza nyaburanga bitatse u Rwanda birimo n’iy’Ibirunga n’Ikiyaga cya Kivu mu Karere ka Karongi.

Mu bikorwa bazakorera mu Rwanda harimo no gusura Urwibutso rwa Jenoside rwa Kigali ku Gisozi no kunamira abazize Jenoside yakorewe Abatutsi mu 1994.

Robert Emmanuel Pires wakiniye amakipe arimo Metz na Marseille zo mu Bufaransa, yamenyekanye cyane ari muri Arsenal yegukanye Premier League idatsinzwe mu mwaka w’imikino wa 2003–04 cyo kimwe na Raymond Parlour na we wakiniye iyi kipe n’andi atandukanye yo mu Bwongereza.