skol
Kigali

Romelu Lukaku yavuze ibihe bibi yanyuzemo ubwo Eriksen bakinana yituraga hasi kubera umutima

Imyidagaduro   Yanditswe na: Dusingizimana Remy 13 June 2021

Rutahizamu Romelu Lukaku yahishuye ko yagize ubwoba bwinshi cyane ndetse ararira ubwo mugenzi we bakinana muri Inter Milan,Christian Eriksen,yarwaraga umutima mu mukino igihugu cye cya Denmark cyakinaga na Finland.


Lukaku ukomeje kubaka ibigwi mu ikipe y’igihugu y’Ububiligi kuko mu mikino 15 aheruka kuyikinira yayitsindiye ibitego 19 ndetse ubu niwe umaze kuyitsindira ibitego byinshi mu mateka yayo.

Lukaku wabaye umukinnyi w’umukino ubwo Ububiligi bwatsindaga Uburusiya ibitego 3-0 birimo 2 yatsinze,yavuze ko yarize cyane ndetse ko yahangatitse ubwo mugenzi we bakinana Eriksen yari hasi ari kuzurwa n’abaganga mu kibuga nyuma y’aho yari amaze kwikubita hasi kubera ikibazo cy’umutima.

Lukaku yavuze ko byari bimugoye cyane kujya mu kibuga gukinira igihugu cye nyuma y’aho Eriksen yituye hasi nubwo yaje gutsinda ibitego 2 birimo icya mbere yatsinze akajya kuri imwe muri camera zerekanaga uyu mukino akavuga ati “Chris,ndagukunda.”

Nyuma yo guhabwa igihembo cy’umukinnyi witwaye neza mu mukino,Lukaku yagize ati “Ni byiza ko dutsinze ariko njye ntabwo byari binyoroheye kubera ko ibitekerezo byanjye byari kuri mugenzi wanjye dukinana Christian Eriksen.

Ndizera ko ameze neza ndetse mutuye iyi ntsinzi.Narize cyane kubera ko nari mfite ubwoba bwinshi.Twabanye neza cyane mu mwaka n’igice tumaranye.Namaranye nawe igihe kinini kurusha icyo namaranye n’umuryango wanjye.Ibitekerezo byanjye biri kuri we,umukunzi we,abana be 2 n’umuryango we.”

Lukaku yavuze ko yifuza ko igihugu cye gikurira mu irushanwa bakaritwara.Uyu rutahizamu utagihagarika gutsinda amaze kugira uruhare mu bitego 25 mu mikino 19 aheruka gukinira Ububiligi aho yatsinze 21 atanga imipira bivamo 4.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hagiye hanze amakuru y’umukinnyi watorewe kwegukana Ballon d’Or...

Amakuru akomeje gucaracara ku rubuga rwa Twitter aravuga ko Lionel Messi...
27 November 2021 0

Niyonzima Olivier "Seif" yasabye imbabazi nyuma yo guhagarikwa mu...

Umukinnyi Niyonzima Olivier uzwi nka "Seif" uheruka guhagarikwa mu ikipe...
26 November 2021 0

Ikipe imwe hagati ya Portugal n’Ubutaliyani ntizitabira igikombe cy’isi...

Hasohotse tombola y’uburyo amakipe y’i Burayi azahura mu mikino ya...
26 November 2021 0

Ikipe ya Etincelles FC nayo yabonye umufatanyabikorwa mushya...

Ikipe ya Etincelles FC yo mu karere ka Rubavu,yamaze gusinya amasezerano...
26 November 2021 0

Abakinnyi 10 bivugwa ko bahembwa agatubutse muri shampiyona y’u Rwanda...

Abakinnyi b’umupira w’amaguru hirya no hino ku isi bari mu binjiza agatubutse...
26 November 2021 0

Thierry Henry yahishuye icyihishe inyuma yo kuba Zidane na Pochettino...

Icyamamare muri Arsenal,Thierry Henry yavuze ko Mauricio Pochettino na...
26 November 2021 0