Cristiano Ronaldo yageze ku kindi kintu gikomeye mu mwuga we w’icyubahiro ubwo yatsinda igitego cye cya 700 mu makipe, mu mukino yafashije ikipe ye ya Manchester United gutsinda Everton.
Iki gitego cyatumye uyu munya Portugal w’imyaka 37 yuzuza ibitego 144 amaze gutsindira United mu nshuro zose yakiniye iyi kipe.
Yatsinze 450 muri Real Madrid, 101 muri Juventus na bitanu muri Sporting Lisbon.
Igitego cyo ku cyumweru kuri Goodison Park cyari icya kabiri muri shampiyona kuri Ronaldo, (...)

Sponsored Ad

Cristiano Ronaldo yageze ku kindi kintu gikomeye mu mwuga we w’icyubahiro ubwo yatsinda igitego cye cya 700 mu makipe, mu mukino yafashije ikipe ye ya Manchester United gutsinda Everton.

Iki gitego cyatumye uyu munya Portugal w’imyaka 37 yuzuza ibitego 144 amaze gutsindira United mu nshuro zose yakiniye iyi kipe.

Yatsinze 450 muri Real Madrid, 101 muri Juventus na bitanu muri Sporting Lisbon.

Igitego cyo ku cyumweru kuri Goodison Park cyari icya kabiri muri shampiyona kuri Ronaldo, igitego cya 699 mu makipe kikaba cyaraje muri Europa League bakina na FC Sheriff muri Nzeri.

Ronaldo yatangiye umukino wa Everton ari ku ntebe ariko yaje gusimbura Anthony Martial wavunitse ku munota wa 29 maze atsinda igitego nyuma y’iminota 15 yinjiye,United itsinda ibitego 2-1.

Amaze gutsinda ibitego 700 mu mikino 943 amaze gukinira amakipe yose yakiniye byiyongera ibindi 117 yatsinze mu ikipe y’igihugu mu mikino 191.

Igitego Ronaldo yatsinze The Toffees yagitsindishije ukuguru ku ibumoso,ibintu atakunze gukora.

Ibitego byinshi yatsinze mu mwuga we byaturutse ku kirenge cy’iburyo, ku kigero cya 66% by’ibitego bye.

Ikindi kandi, 17% by’ibitego bye yabitsindishije imitwe.

Ibitego byinshi yatsinze yabitsindiye mu rubuga rw’amahina aho muri icyo gice yahaboneye ibitego 473.