Myugariro Rutanga Eric yatangaje ko yifuza ko we na bagenzi be bakora ibishoboka byose bagatwara igikombe cya shampiyona uyu mwaka,kubera ko Rayon Sports yagitwaye ubushize ari muri mukeba wayo APR FC.

Rutanga yavuze ko yifuza gukora amateka yo kwiyongera mu bakinnyi batwaye igikombe cya shampiyona mu makipe 2 akomeye mu Rwanda Rayon Sports na APR FC ndetse abona bishoboka kuko hakiri imikino myinshi yo gukina.

Yagize ati “Ikintu nshaka kugeraho muri uyu mwaka, ni uguhesha igikombe cya shampiyona Rayon Sports kuko ubushize yagitwaye ntahari, nari muri mukeba. Ndashaka kugitwara ndi muri Rayon Sports.Turacyafite amahirwe, turacyari mu rugamba nta kabuza igikombe tugomba kugitwara.”

Rayon Sports isigaje imikino 8 ya shampiyona irimo uwo izahuramo na mukeba wayo APR FC ku wa 16 Kamena uyu mwaka ndetse uyu munsi iracakirana na Police FC kuri stade ya Kigali saa Cyenda.