skol
fortebet

Rutsiro FC izamutse bwa mbere muri shampiyona yahaye isomo rya ruhago Rayon Sports

Yanditswe: Tuesday 22, Jun 2021

featured-image

Sponsored Ad

Rayon Sports ikomeje gutenguha bikomeye abakunzi bayo kuko nyuma yo gutsindwa na APR FC mu cyumweru gishize,yatsinzwe na Rutsiro FC ibitego 2-0.

Sponsored Ad

Rayon Sports yatozwaga na Kayiranga Baptista nyuma yo kwegura kwa Guy Bukasa,yakubitiwe i Bugesera ibitego 2-0 na Rutsiro FC izamutse bwa mbere muri shampiyona byose byatsinzwe na Ndarusanze Jean Claude.

Igitego cya mbere Ndarusanze Jean Claude yagitsinze ku munota wa 15 w’umukino kuri penaliti hanyuma ashyiramo icyo gushegesha Rayon Sports kuwa 50.

Mu mikino 4 yahuje Rayon Sports na Rutsiro FC muri uyu mwaka w’imikino n’ukuvuga uwa mbere bahuye shampiyona itarasubikwa ngo iseswe,2 bahuye mu itsinda B ryo gushaka itike yo kwinjira mu makipe 8 ahatanira shampiyona n’iyi y’uyu munsi,Rayon Sports yayitsinze rimwe.

Umukino wa mbere wahuje aya makipe mbere y’uko shampiyona iseswa hakazanwa uburyo bushya,amakipe yombi yanganyije 1-1,mu itsinda B Rayon Sports iyitsinda 2-1 bigoranye hanyuma uwo kwishyura banganya 1-1.

Ubu ikipe ya Rutsiro Fc ihise ifata umwanya waa 5 n’amanota 6, naho Rayon Sports ijya ku mwanya wa 6 n’amanota 5.

Mu mikino 12 imaze gukina muri uyu mwaka w’imikino, Rayon Sports yatsinze 3, inganya 5, itsinzwe 4.

Nyuma y’imyaka 3 yari imaze mu cyiciro cya mbere,AS Muhanga yongeye kumanuka mu cyiciro cya 2 nyuma yo gutsindwa ibitego 4-0 na Etincelles uyu munsi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa