Bamwe mu bakinnyi b’Abanyarwanda bakina hanze bakomeje gufasha amakipe yabo gukomeza kugira itangiriro nziza z’umwaka w’imikino wa 2024/25 babona itsinzi, nubwo hari abo bitagenze neza nka Rwatubyaye Abdul wahawe ikarita itukura.

Sponsored Ad

Mu mpera z’icyumweru gishize mu bihugu bitandukanye, imikino ya shampiyona
Mu gihugu cya Ukraine shampiyona yakomezaga hakinwa umunsi wa Gatandatu, Ikipe ya FC Kryvbas Kryvyi Rih ikinamo Kapiteni w’Amavubi Bizimana Djihad yanganyije na Vorskla Poltava igitego 1-1, yuzuza amanota 10 mu mikino itanu imaze gukina muri Shampiyona.

Muri uyu mukino Djihad yakinnye iminota yose y’umukino.

Impera z’icyumweru zari nziza kuri myugariro Mutsinzi Ange ukinira FK Zira yo mu cyikiro cya mbere muri Azerbaijan yatsinze Sumqayit FK ibitego 2-0 mu mukino w’umunsi wa gatandatu wa shampiyona yakinnyemo iminota yose y’umukino.

Izi mpera z’icyumweru ntizahiriye Al Ahli Tripoli yo muri Libya ikinamo Manzi Thierry yasezerewe na Simba SC yo muri Tanzania, mu ijonjora rya kabiri rya CAF Confederation Cup mu gushaka itike yo gukina amatsinda y’iri rushanwa nyafurika.
Simba FC yayitsinze ibitego 3-1 mu mukino wo kwishyura, iyisezerera ku giteranyo cy’ibitego 3-1 mu mikino yombi.

Muri uyu mukino Manzi Thierry yakinnye iminota yose y’umukino.
Mu mpera z’iki cyumweru kandi myugariro w’Ikipe y’Igihugu, Imanishimwe Emmanuel ‘Mangwende’ yabanje mu kibuga mu mukino ikipe ye ya AEL Limassol yo muri Cyprus yatsinzwemo na Pafos FC ibitego 3-1 mu mukino w’Umunsi wa Kane wa shampiyona.

Muri uyu mukino Imanishimwe Emmanuel “ Mangwende” yasimbuwe ku munota wa 62.

Myugariro Rwatubyaye Abdul ukinira Brera Strumica yo muri Macedonia y’Amajyaruguru yabonye ikarita itukura ku munota wa 52 mu mukino wahuje ikipe ye na FK Rabotnicki Skopje banganyijemo igitego 1-1 mu mukino w’umunsi wa gatandatu wa shampiyona.

Mu gihugu cya Kenya, AFC Leopards ikinamo Rutahizamu Gitego Arthur yatsinze
Bidco United igitego 1-0 mu mukino w’umunsi wa gatatu wa Shampiyona.
Muri uyu mukino, Gitego Arthur yakinnye iminota 77 mbere yo gusimbuzwa.
One Knoxville ikinamo rutahizamu Nshuti Innocent yatsinzwe na Union Omaha igitego 1-0 mu mukino uyu Rutahizamu w’Umunyarwanda yinjiye mu kibuga asimbuye ku munota wa 64.

Rutahizamu Jojoe Kwizera ukinira Rhode island yakinnye iminota yose y’umukino mu mukino ikipe ye yatsinzemo FC Tulsa ibitego 2-1.

Muri uyu mukino Jojoe Kwizera yatanze umupira wavuyemo igitego cyo kwishyura ku munota wa 69 cyatsinzwe na Naoh Fuson.

Sandvikens IF ikinamo Byiringiro Lague ntiyakinnye mu mpera z’icyumweru ahubwo ifite umukino kuri uyu wa Mbere tariki 23 Nzeri 2024 na Degerfos IF saa moya z’ijoro.

York Rafael wa Gefle IF yo muri Suède ukina mu kibuga hagati na yo ntiyakinnye mu mpera z’icyumweru ahubwo ifite umukino ku wa Kabiri tariki 24 Nzeri 2024 na Ostersunds FK.

Mu gihugu cy’u Bubiligi Standard Liège ikinamo Umunyarwanda Hakima Sahabo umaze iminsi yaravunitse yanganyije ubusa ku busa na Royale Union Saint-Gilloise.
Samuel Guelette ukinira La Louviere yo mu cyiciro cya kabiri mu Bubligi yatsinzwe na Lokeren-Temse ibitego 2-0 mu mukino w’umunsi wa gatanu wa shampiyona ifata umwanya wa kabiri n’amanota 13.

Muri uyu mukino, Samuel Gueulette yakinnye iminota yose y’umukino.
Umuzamu Ntwali Fiarce ukinira Kaizer chiefs yo muri Afurika y’Epfo ntibakinnye mu mpera z’icyumweru kubera ko Stellenbosch bari gukina yari mu mikino ya CAF Confederations C.