skol
Kigali

Sadio Mane ahemba abatuye aho yavukiye badakoze nyuma yo kububakira ibikorwaremezo bihambaye

Imyidagaduro   Yanditswe na: Dusingizimana Remy 21 June 2022

Sadio Mane ukinira ikipe ya Liverpool yahinduye umudugudu avukamo wa Bambali ku buryo bugaragara ndetse uretse amashuri n’ibitaro yubatse,ubu asigaye agenera bamwe amafaranga yo kubabeshaho.

Agace ka Bambali Sadio Mane avukamo gaherereye mu majyepfo ya Senegal,igihugu kiri mu burengerazuba bwa Afurika.

Uyu mukinyi w’imyaka 30,ugiye kwerekeza muri Bayern Munich muri iyi mpeshyi aguzwe miliyoni 35 z’amapawundi avuye muri Liverpool, yagarutse mu gihugu cye muri uku kwezi kwitabira umukino wa gicuti ari kumwe na El Hadji Diouf na Papiss Cisse. .

Mane yakomeje kugirana umubano ukomeye na Bambali n’abaturage 2000 bahatuye.

Mu minsi ishize,Mane yatanze amafaranga menshi kugira ngo afashe kuzamura imibereho y’abatuye Bambali, harimo n’amafaranga 500.000 by’amapawundi yubakishije ibitaro bishya.

Mbere y’ibyo bitaro,yari yatanze amafaranga 200.000 by’amapawundi kugira ngo hubakwe ishuri ryisumbuye, bivugwa ko Mane yubatse sitasiyo ya lisansi hamwe n’iposita kugirango bifashe abaturage.

Urubuga rwa Twitter @AfricaFactsZone rwashyize hanze ibintu byose uyu mukinnyi wa Liverpool yakoreye Bambali avukamo,birimo

Yubatse ibitaro bya 455.000 y’ama pound n’ishuri rya 250.000 muri Bambaly.

Aha buri muryango amayero 70 buri kwezi.

Yabahaye interineti ya 4G.

Yubatse sitasiyo ya lisansi n’iposita.

Muri Mata 2018, yatanze amafaranga arenga 200.000 by’amapawundi kugira ngo ab’igihe kizaza i Bambali babone ishuri ryisumbuye ribaha amahirwe yo gutera imbere mu buzima.

Ubwo Telegraph yamuganirizaga ibijyanye no kubaka iri shuri ku rubyiruko, yasabye kuva muri icyo kiganiro, yongeraho ati: "Ibi simbikora kugira ngo niyamamaze."

Mu kiganiro yagiranye n’ikinyamakuru cyo muri Ghana,Nsemwoha, Mane yavuze ku byifuzo bye mu buzima.

Ati"Kuki nashaka Ferraris icumi, amasaha 20 ya diyama, cyangwa indege ebyiri? Ibyo bintu bizamarira iki hano ku isi?".

"Narashonje, kandi nagombaga gukora cyane mu kibuga, narokotse mu bihe bikomeye, nkina umupira w’amaguru ntambaye inkweto, ntabwo nize ndetse n’ibindi byinshi, ariko uyu munsi hamwe nibyo ninjiza mbikesha umupira w’amaguru, nshobora gufasha abantu banjye.

"Nubatse amashuri, stade, dutanga imyenda, inkweto, ibiryo ku bantu bafite ubukene bukabije. Byongeye kandi, buri kwezi ntanga amayero 70 ku bantu bose bo mu karere gakennye cyane ka Senegal kandi bigira uruhare mu bukungu bw’imiryango yabo.

"Sinkeneye gutunga imodoka nziza, amazu meza,gukora ingendo ndetse n’indege. Nahisemo ko abantu banjye babona bike mubyo ubuzima bwampaye."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abubakar Lawal wifuzwaga na benshi mu Rwanda yigiriye muri Vipers...

Rutahizamu w’umunya-Nigeria Abubakar Lawal uherutse gusoza amasezerano...
3 July 2022 0

Hamenyekanye amakipe 3 ashaka Cristiano Ronaldo muri iyi mpeshyi

Nyuma yo gusaba Ubuyobozi bwa Manchester United,Cristiano Ronaldo arifuzwa...
3 July 2022 0

Cristiano Ronaldo yasabye Manchester United kumurekura akigendera

Inkuru zikomeje gucicikana ko Cristiano Ronaldo yasabye ikipe ya Manchester...
2 July 2022 0

Basketball: U Rwanda rwatsinzwe na Sudan y’Epfo mu mukino warebwe na...

Ikipe ya Sudani y’Epfo yatsinze u Rwanda amanota 73 kuri 63 mu rugendo rwo...
1 July 2022 0

Mohamed Salah yahawe akayabo k’Umushahara yongera amasezerano muri...

Umukinnyi Mohamed Salah yongereye amasezerano mu ikipe ya Liverpool kugeza...
1 July 2022 0

Mbappe yatunguranye kubera amagambo yavuze kuri Cristiano Ronaldo na...

Rutahizamu wa PSG,Kylian Mbappe avuga ko kugera ku rwego rwa Messi na...
1 July 2022 0