Uyu munsi nibwo UEFA yasohoye urutonde rw’abakinnyi 18 bitwaye neza muri UEFA Champions League,batarimo kabuhariwe Sadio Mane ukomoka muri Senegal,watsindiye Liverpool ibitego uyu mwaka.

Benshi mu bakurikirana ibya ruhago bavuze ko kuba uyu munya Senegal ari umwirabura ni impamvu yagendeweho kugira ngo atashyirwa muri iyi kipe cyane ko muri ba rutahizamu hashyizwemo Edin Dzeko utaramuruhije ibitego mu gihe uru rutonde rwagaragayemo Firmino na Salah banganya ibitego 10 ndetse bakinana muri Liverpool.

Real Madrid ifite abakinnyi 8 muri 18 bitwaye neza muri UEFA Champions League uyu mwaka

UEFA ikunze kwirengagiza abakinnyi b’abirabura ndetse si ubwa mbere bibaye ku bakinnyi bo muri Afurika kuko umusore nka Yaya Toure nawe yagiye yirengagizwa kenshi kandi yaragiye yigaragaza mu kibuga hagati.

Nyuma y’uko uru rutonde rusohotse ntihagaragareho uyu munya Senegal watsinze igitego muri 3-1 batsinzwe ku mukino wa nyuma wa UEFA Champions League na Real Madrid,benshi banenze UEFA bayisaba kugabanya irondaruhu.

Abakinnyi 18 bitwaye neza muri UEFA Champions League 2017-2018

Uretse Sadio Mane,James Milner nawe yirengagijwe mu kibuga hagati kandi ariwe wayoboye abandi mu gutanga imipira yavuyemo ibitego.